Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
unquam extitit editio, illam, adhibita licet omni diligentia,
investigare non potui. Hoc asserere audeo, hymnos ad usum
Ecclesiarum Finnicarum vulgatos primis a reformatione annis
fuisse perpaucos. Unicus occurrit in libro precum Agricolæ
inter preces Pentecostales, nimirum hymnus ille antiquus:
„Veni creator Spiritus" „Tule loja pyhe hengi,“ qui, licet
multum emendatus, adhuc in libro cantionum nostro occupat
locum. Primum versum Psalmi: „O puhdas Jumalan Caritza,"
itidem et qua metrum et qua res ipsas hodie mutatum, reperio
quoque in libris Agricolæ. In antiquo Rituali ecclesiastico
Finnico, de quo mox prolixius agendum, præcipitur Sacerdoti,
ut, loco introitus ad missam, legat aliquem Psalmum.
Davidicum, aut e libro precum, precationem aliquam Scripturariam.
Sub usu S. Coenæ cantandus quidem erat hymnus, sed
Svecus aut Latinus „Jesus Christus är vår hälsa, Gud vare
lofvad." Discubuit Jesus, vel: Divinum mysterium vel alius
aliquis; quæ omnia ad oculum ostendunt, nullis vel paucis
gavisam tum fuisse ecclesiam Finnicam sua lingua exaratis
hymnis. Sensim tamen augebatur Psalmorum numerus, aliqui
etiam eorum primitus seorsim edebantur, quod certum est de
hymno Davidico: „Auta Herra meit armostas," qui absque
loco et anno prodiit, quemque ad celebrandum pie in coetu
ecclesiastico festum coronationis, vel Reginæ Christinæ vel
Regis Caroli Gustavi, compositum et vulgatum auguror.
Non defuere tamen in Finnia sub ipso Papatu cantiones
piæ ecclesiasticæ et Scholasticæ, quamvis, pro more illius
ævi, Latina lingua consignatæ. Eas collegit et emendavit
Jacobus Finno, typis vero imprimendas curavit Theodorus
Petri Nylandensis, qui cognomine Rutha, et vir nobilis
salutatur, forte ex antiqua Ruthorum prosapia oriundus, primum
Gryphiswaldiæ 1582 et deinde Rostochii 1625. Ostendunt hæc
carminalia, viros pios et orthodoxos sub ipsa tyrannide Papali
in Septemtrione latuisse; de puritate etiam doctrinæ in variis
fidei capitibus illustre præbent testimonium, præcipue fiduciam
in unico merito Christi collocandam urgent. Adest heic „in
dulci jubilo", cum antiqua versione Svecana, item: Scribere
proposui, qui hymnus Finnice versus adhuc locum in libro
Psalmorum nostro tuetur. Consuetudo fuit in Scholis Finniæ
perantiqua, ut Scholares horis recreationi dicatis, sub cantu
<< prev. page << föreg. sida << >> nästa sida >> next page >>
