Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
In IX:a intra quartum gradum copula non permittitur. In X:a
rejicitur consanguinitas per compatrinismum spiritualis.
In transitu observare convenit, prostare etjam seorsim
Finnica lingua una plagula editam formulam Sponsaliorum,
„Kihlamisen tapa." Est hæc quod ostendunt typi, satis
antiqua; sed. nec auctorem nec locum aut tempus editionis indicat.
Reliqua in antiquo Svecano et Finnico Rituali fere
consentiunt. Plures tamen habet Svecus preces pro ægrotis.
Retinet etjam extremam unetionem variorum membrorum,
oculorum, aurium, nasus, labiorum, manuum et pedum, additis
ubique certis precandi formulis. Sed hic ritus in Finnica
editione jure optimo fuit expurgatus.
Circa funera utrumque Rituale concordat. Precationes
post inhumationem mortuorum utrobique adsunt binæ, in
hodierno manuali in unum contractæ. In utraque funduntur pro
mortuo preces conditionatæ, si nimirum fuerit in eo statu, ut
licitum sit pro eo intercedere: „Jos teme meiden edesmennyt
veljem, sisarem — olis sen caltaisesa sädysä, että
mahdollinen olis hänen edestäns rucoella, nin ole sis — armollinen
ja laupias henelle".
Eodem anno, nimirum 49 Seculi XVI:i cura sæpius
laudati Agricolæ, seorsim in lucem prodiit Missa Finnico
idiomate, cui adjunguntur loca varia Veteris Testamenti et IV
prima Geneseos capita, eum in finem, ut interdum loco
epistolarum, in ecclesiis prælegentur. Hæ vero, æque ac Evangelia
e Novo Testamento Finnico erant recitanda. Clauditur
opusculum Litania, eaque prolixiori, quam qua hodie utimur. Aliam
pleniorem Missæ editionem procuravit Episcopus Paulus
Justen Holmiæ 1575 in qua reperiuntur collectæ, Evangelia et
Epistolæ per totum annum. Titulus vero operis est: „Se pyhä
Messu Suomen kielen, ei Pavin mutta pyhän Evangeliumin ja
Christilisen Seuracunnan tavan jälken visusta Suomen Turus
coottu."
Rituale, de quo diximus, Finnicum, denuo prodiit 1614,
sed ad formam Concilii Upsaliensis revisum et emendatum.
Factum hoc est curante Episcopo Aboënsi Erico Erici.
Novam editionem adornavit 1629 Olaus Elimæus, Wiburgensis
Antistes. Aliquoties postea idem Aboæ est recusum.
Id unicum circa ritus veteres ecclesiasticos addere liceat,
<< prev. page << föreg. sida << >> nästa sida >> next page >>
