Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Friskulanic
149
deg yver den ætti som kjem um tjuge aar, og liva med vener
som du aldri fær sjaa. Difor skulde du til Lille-Egede og
gjera arbeidet der.»
— Bokskrivaren kom til Lille-Egede paa ferderne sine og
vitja Didrik Johansen og friskulen hans i 1879. Daa hadde
han vore der snart tjuge aar. Han var frisk, sterk og vakker
— heilt upp ein kjempekar. I skulen hans yrde det og krydde
av glade born. No var det kome liv der.
Han peika paa ei liti ljoshærd gjenta og sa til meg: »Ho
der er dotter aat den fyrste skuleflokken min.»
»Og han der — og han der» — sa han og peika paa
tri-fire sterke krulltoppar med blanke augo.
Eg laut undra meg, der eg stod og saag paa alle desse
glade friske borni.
Det rann meg i hugen ei høg sanning, som eg den gongen
ikkje hadde funne ord aat. No skal eg segja ho slikt eg kann:
Me er ikkje komne her paa jordi til aa ha det godt, men
til aa arbeida, gjera gagn. Gjer me berre det, so hev me det
godt, attpaa.
Desse friskulelærarane var vortne reint til eit ordtøke, med
si sterke tru paa Gud, sitt glade syn paa livet, og so lite som
dei kravde aat seg sjølve.
Vil du vera med, skal me sjaa inn i ein slik friskule-heim.
Det er fatige folk. Løni er ikkje meir enn det vesle dei
fær av foreldri aat borni; og skulen er ikkje stor — ikkje
enno. Dei hev ikkje eingong eit skikkelegt rom aa leggja
deg i, naar kvelden kjem — berre eit lite laagt kot, so
læraren maa setja upp døri til skulestova, skal du faa frisk
luft nok. »Sjaa — no kovnar du ikkje; og god natt so,»
segjer han.
Men du trivst der; du kjenner deg heime.
<< prev. page << föreg. sida << >> nästa sida >> next page >>
