Full resolution (JPEG)
- On this page / på denna sida
- Sagan af Haraldi konungi gráfeld
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
106. Vasat ofbyrjar ǫrva
odda vífs i drífu
sverða sverrifjarðar
svanglýjaði at frýja;
brakrǫgnir skók bogna
(barg ofþyrmir varga)
hagl ór hlakkar segli
hjǫrs (rakkliga fjǫrvi).
107. Mart varð él, áðr, Ála,
austr lǫnd at mun banda
randar lauks, af ríki,
rœkilundr of tœki.
Enn getr Einarr, hvernug Hákon jarl hefnði fǫður síns:
108. Berk fyr hefnd, þás hrafna
(hljóm) lof (togins skjóma
hann nam) vǫrðr (at vinna)
vann síns fǫður hranna.
109. Ringði (hjǫrs) á hersa
(hríðremmir) fjǫr víða
(þrimlyndr of jók Þundi
þegns gnótt) méilregni;
ok haldviðurr hǫlða
haffaxa lét vaxa
laufa veðr at lífi
lífkǫld Hǫ́ars drífu.
Eptir þetta fóru milli beggja vinir ok báru sættarorð milli þeirar
þvíat bóndum leiddisk hernaðr ok ófriðr innan landz, ok kømr
svá með ráði ríkra manna, at sætt var gǫr milli þeira, svá
at Hákon jarl skyldi hafa þvílíkt ríki i Þrándheimi, sem haft
hafði Sigurðr jarl faðir hans, en konungar skyldu hafa þvílíkt
ríki, sem Hákon konungr hafði haft fyrir þeim, ok var þat þá
bundit fullum trúnaði. Þá gerðisk kærleikr mikill með þeim
Hákoni jarli ok Gunnhildi, en stundum beittusk þau vélræðum;
leið svá fram aðra iii. vetr; sat þá Hákon um kyrt í ríki sínu.
Haraldr konungr sat optast á Hǫrðalandi ok Rogalandi,
ok svá þeir fleiri brœðr. Þeir sátu optliga í Harðangri. Þat var
á einu sumri, at hafskip kom af Íslandi, er áttu íslenzkir menn.
Þat var hlaðit af vararfeldum, ok heldu þeir skipinu til
Harðangrs, þvíat þeir spurðu, at þar var fjǫlmenni mest fyrir.
En er menn kómu til kaupa við þá, þá vildi engi kaupa
vararfeldina. Þá ferr stýrimaðr á fund Haraldz konungs, þvíat
honum var hann áðr málkunnigr, ok segir honum til þessa
vendræða. Konungr segir, at hann mun koma til þeira, ok hann
gerir svá. Haraldr konungr var maðr lítillátr ok gleðimaðr
mikill. Hann var þar kominn með skútu alskipaða. Hann leit
á varning þeira ok mælti við stýrimann: »viltu gefa mér einn
gráfeldinn«? »Gjarna, segir stýrimaðr, þótt fleiri sé«. Þá tók
konungr einn feldinn ok skikði. Síðan gekk hann ofan í skútuna.
En áðr þeir røru i brot, hafði hverr hans manna feid keyptan.
Fám dǫgum síðarr kom þar svá mart manna, þeira er hverr
<< prev. page << föreg. sida << >> nästa sida >> next page >>
Project Runeberg, Sun Dec 10 06:24:58 2023
(aronsson)
(diff)
(history)
(download)
<< Previous
Next >>
https://runeberg.org/heimskring/0108.html
