Full resolution (JPEG)
- On this page / på denna sida
- K. 1. Uphaf sǫgu ins helga Óláfs konungs
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
orrostu heðan í frá gegn mér«. Jarl svarar, lézk svá gera mundu.
Nú vinnr Hákon jarl Óláfi konungi eiða, at hann skal aldri síðan
berjask í móti honum ok eigi verja Nóreg með ófriði fyrir Óláfi
konungi né sœkja hann. Þá gefr Óláfr konungr honum grið ok
ǫllum hans mǫnnum; tók jarl við skipi því, er hann hafði áðr haft.
Róa menn í brot leið sína. Þess getr Sigvatr skáld:
33. Ríkr kvað sér at sœkja
Sauðungs konungr nauðir,
fremðar gjarn, í fornu
fund Hǫ́konar sundi;
strangr hitti þar þengill
þann jarl, es varð annarr
œztr ok ætt gat bazta
ungr á danska tungu.
K. 31. Ferð Hákonar jarls.
Eptir þetta býr jarl sik sem skyndiligast ór landi ok siglir
vestr til Englandz ok hittir þar Knút konung, móðurbróður sinn,
segir honum alt, hvernug farit hefir með þeim Óláfi konungi.
Knútr konungr tók við honum forkunnar vel, setti hann Hákon
innan hirðar með sér ok gefr honum mikit vald í sínu ríki;
dvalðisk Hákon jarl þar nú langa hríð með Knúti. Þá er þeir
Sveinn ok Hákon réðu Nóregi, gerðu þeir sátt við Erling
Skjálgsson, ok var bundit með því, at Áslákr, sonr Erlings, fekk
Gunnhildar, dóttur Sveins jarls; skyldu þeir feðgar, Erlingr ok
Áslákr, hafa veizlur þær allar, er Óláfr konungr Tryggvason
hafði fengit Erlingi. Gerðisk Erlingr þá fullkominn vinr
jarlanna, ok bundu þeir þat svardǫgum sín á milli.
K. 32. Viðrbúnaðr Ástu.
Óláfr konungr inn digri snýr austr með landi ok átti víða
þing við bóendr, ok ganga margir til handa honum, en sumir
mæla í móti, þeir er váru frændr eða vinir Sveins jarls. Fór
Óláfr konungr fyrir því skyndiliga austr til Víkr ok heldr liði sínu
inn í Víkina ok setr upp skip sín, snýr þá á land upp. Ok er
hann kom á Vestfold, þá fǫgnuðu honum þar vel margir menn,
þeir sem verit hǫfðu kunnmenn eða vinir fǫður hans; þar var ok
mikil ætt hans um Foldina. Hann fór um haustit á land upp á
fund Sigurðar konungs, mágs síns, ok kom þar snimma einn
hvern dag. En er Óláfr konungr kømr nær býnum, þá hljópu
þar fyrir þjónostusveinar til bœjarins ok inn í stofuna. Ásta,
móðir Óláfs konungs, sat þar inni ok konur nǫkkurar með henni;
þá segja sveinarnir henni um ferð Óláfs konungs, ok svá, at hans
var þangat brátt ván. Ásta stendr upp þegar ok hét á karla ok
<< prev. page << föreg. sida << >> nästa sida >> next page >>
Project Runeberg, Sun Dec 10 06:24:58 2023
(aronsson)
(diff)
(history)
(download)
<< Previous
Next >>
https://runeberg.org/heimskring/0207.html
