Full resolution (JPEG) - On this page / på denna sida - Uphaf Magnús konungs góða
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
4 22 HEIMSKRINGLA
kosti mun ek sækja til með styrk hers bæöi af Dana-veldi ok
Nóregi; mun þá sá ráða lçndurn, er sigrs verðr auðit«.
K. 37. Svçr Játvarðar konungs.
En er Játvarðr konungr haföi lesit bréf þessi, þá svarar
5 hann svá: »þat er çllum mçnnum kunnigt hér i landi, at Aðalráðr
konungr, faöir minn, var óðalborinn til rikis þessa bæði at fornu
ok nýju. Váru vér iiii. synir hans; en er hann var fallinn fra
lçndum, þá tók riki ok konungdóm Eatmundr bróðir minn, þviat
hann var elztr vár brœðra; unða ek þá vel við, meðan hann lifði.
10 En eptir hann tók rikit Knútr konungr, stjúpfaðir minn; var þá
eigi dælt til at kalla, meðan hann lifði. En eptir hann var
konungr Haraldr bróöir minn, meðan honum varö lifs auðit. En er
hann andaðisk, þá réð Hçröaknütr, bróðir minn, fyrir
Dana-veldi, ok þótti þat þá einu rétt brœðraskipti með okkr, at hann
15 vær i konungr bæöi yfir Englandi ok Danmçrk; en ek hafða ekki
riki til forráða. Nú andaðisk hann; var þat þá ráð hér allra
landzmanna at taka mik til konungs hér i Englandi. En meðan
ek bar ekki tignarnafn, þjónaða ek minum hçföingjum eigi
stórligarr en þeir menn, er enga ætt áttu hér til rikis. Nú hefi
20 ek tekit hér konungs vigslu ok svá fulliga konungdóm, sem faðir
minn hafði fyrir mér; nú mun ek þetta nafn eigi upp gefa at
mér lifanda. En ef Magnús konungr kømr higat til landz með
her sinn, þá mun ek eigi liöi samna i mot honum, mun hann
kost eiga at eignask England ok taka mik áðr af lifdçgum. Segið
25 honum svá min orð«. Fóru þá sendimenn aptr ok kómu á fund
Magnús konungs ok segja honum alt sitt ørendi. Konungr svarar
tómliga ok mælti þó svá: »ek ætla hitt munu vera sannast ok
bezt fallit, at låta Eatvarð konung hafa riki sitt i ró fyrir mér,
en halda þessu riki, er guð hefir mik eignask látit«.
<< prev. page << föreg. sida << >> nästa sida >> next page >>
