Full resolution (JPEG) - On this page / på denna sida - Uphaf Magnús konungs góða
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
HAR. HARD. 511
þingum; hann réð çllum landráðum meö konungi. Óláfr konungr
bauð at gefa Skúla fylki eitt i Nóregi, þat er honum þœtti bezt,
rneð çllum tçkum ok skyldum, þeim er konungr átti. Skúli
þakkaði honum boð sitt ok lézk vilja beiðask af honum annarra
hluta, fyrir þvi — »ef konungaskipti verðr, kann vera, at rjúfisk 5
gjçfin; ek vil, segir hann, nçkkurar eignir þiggja, er liggja nær
kaupstçöum þeim, sem þér, herra, eruö vanir at sitja ok taka
jólaveizlur«. Konungr jåtti honum þessu ok skeytti honum jarÖir
austr viö Konungahellu ok við ósló, viö Tunsberg, við Borg, viö
Bjçrgvin ok norör viö Niöarós; þær váru náliga inar beztu eignir 10
i hverjum stað, ok hafa þær eignir legit siöan undir þá ættmenn,
er af Skúla ætt eru komnir. Óláfr konungr gipti honum
frænd-konu sina, Guðrúnu Nefsteinsdóttur; móðir hennar var IngiriÖr,
dóttir Siguröar konungs sýr ok Ástu ; hon var systir Öláfs konungs
ins helga ok Haraldz konungs. Sonr Skúla ok Guðrúnar var Ásólfr »5
á Reini; hann åtti Þóru dóttur Skopta Qgmundarsonar; sonr
þeira Ásólfs var Guthormr á Reini, faöir Báröar, fçöur Inga
konungs ok Skúla hertoga.
K. 99. Frå Haraldi konungi Sigurðarsyni.
Einum vetri eptir fall Haraldz konungs var flutt vestan af 20
Englandi lik hans ok norör til NiÖaróss, ok var jarðat. i
Máríu-kirkju, þeiri er hann lét gera. Var þat allra manna mål, at
Haraldr konungr haföi verit umfram aöra menn at speki ok at
ráðsnild, hvárt er hann skyldi til taka skjótt eða gera lçng ráö
fyrir sér eöa çÖrum; hann var allra manna vápndjarfastr; hann 25
var ok sigrsæll, svá sem nú var ritit um hríö; sva segir Pjóöólfr:
163. Áræöis naut eyöir hugr ræör hçlfum sigri,
aldyggr Selundbyggva; Haraldr sannar þat, manna.
Haraldr konungr var friör maör ok tiguligr, bleikhárr, ok bleikt
skegg ok langa kanpa, nçkkuru brúnin çnnur ofarr en çnnur; 30
miklar hendr ok fætr ok vel vaxit hvártveggja; v. álna er hått
mål hans. Hann var grimmr óvinum ok refsingasamr um allar
motgøröir; svá segir Pjóðólfr:
164. Refsir reyndan ofsa sverös hafa slikar byrðar
ráögegn Haraldr þegnum; (sanns nýtr hverr viö annan), 35
hykk at hilmis rekkar Haraldr skiptir svá heiptum,
haldi upp, þvís valda; hljótendr es sér brjóta.
Haraldr konungr var inn ágjarnasti til rikis ok til allra farsælligra
hluta; hann var störgjçfull viö vini sina, þá er honum líkaði vel
viö; sva segir Pjóðólfr: 40
<< prev. page << föreg. sida << >> nästa sida >> next page >>
