Full resolution (JPEG) - On this page / på denna sida - Uphaf Magnús-sona
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
SIG. EYST. OL.
543
GuÖinasonar; móðir Málmfríðar var Kristin, dóttir Inga
Svia-konungs Steinkelssonar. Systir Málmfríðar var Ingilborg, er
átti Knútr lávarðr, sonr Eiriks góða Dana-konungs, sonar Sveins
ülfssonar. Bçrn þeira Knuts ok Ingilborgar var Valdamarr, er
konungdóm tók i Danmçrk eptir Svein Eiriksson, Margrét, 5
Kristin ok Katrin. Margrétu átti Stigr hvitaleör; þeira dóttir
Kristin, er åtti Karl Sørkvisson Svia-konungr; þeira sonr var
Sørkvir konungr.
K. 21. Mannjafnaör konunga.
Eysteinn konungr ok Sigurör konungr váru einn vetr báðir ,5
á veizlu á Uplçndum, ok åtti sinn bæ hvárr þeira. En er skamt
var milli þeira býja, er konungar skyldu veizlu taka, þá geröu
menn þat ráð, at þeir skyldu vera báöir samt á veizlunum, ok
sinu sinni at hvárs búum; váru þeir fyrst báöir samt at því
búi, er Eysteinn konungr åtti. En um kveldit, er menn tóku at 15
drekka, þá var mungát ekki gott, ok váru menn hljóöir. Pá mælti
Eysteinn konungr: »þó eru menn hljóðir; hitt er çlsiör meiri,
at menn geri sér gleði; fám oss çlteiti nçkkura; mun þá enn
á rœtask um gaman manna. Sigurör bróðir, þat mun çllum
sœmst þykkja, at vit hefim nçkkura skemtanarrœöu«. Sigurðr 20
konungr svarar heldr stutt: »ver þú sva margr, sem þú vill, en
lát mik ná at þegja fyrir þér«. Pá mælti Eysteinn konungr;
»sá çlsiör hefir opt verit, at menn taka sér jafnaöarmenn; vil
ek hér svá vera låta«. Pá þagði Sigurör konungr. »Sé ek, segir
Eysteinn konungr, at ek verö hefja þessa teiti; mun ek taka þik, 25
bróðir, til jafnaðarmannz mér. Foeri ek þat til, at jafnt nafn
hçfum vit báÖir ok jafna eign; geri ek engi mun ættar okkarrar
eöa upfœzlu«. På svarar Sigurör konungr: »mantu eigi þat,
er ek braut þik á bak, ef ek vilda, ok vartu vetri ellri«. På segir
Eysteinn konungr: »eigi man ek hitt siör, er þú fekt eigi leikit 30
þat, er mjúkleikr var i«. På mælti Sigurör konungr: »mantu,
hversu fór um sundit meö okr; ek mátta kefja þik, ef ek vilda«.
Eysteinn konungr segir: »ekki svam ek skemra en þú, ok eigi
var ek verr kafsyndr; ek kunna ok á isleggjum, svá at engan
vissa ek þann, er þat kepöi viö mik, en þú kunnir þat eigi heldr 35
en naut«. Sigurör konungr segir: »hçföingligri iþrótt ok
nyt-samligri þykki mér sú at kunna vel á boga; ætla ek, at þú nýtir
eigi boga minn, þóttu spyrnir fótum í«. Eysteinn svarar: »ekki
em ek bogsterkr sem þú, en minna mun skil ja beinskeyti okra,
<< prev. page << föreg. sida << >> nästa sida >> next page >>
