7 (Norsk klædebunad : (fraa ymse bygdir))

Full resolution (JPEG) - On this page / på denna sida - {Indledning] - Sætisdalen

scanned image

<< prev. page << föreg. sida << >> nästa sida >> next page >>

Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

„handelsreisande" fekk avsetnad paa baade „saylor-hats" og „bluseliv" og „corsetter" og papirsnippar
og serleg paa alt som var for simpelt for byfolk; og dei mylte til kvarandre og sagde: „Ungdommen er r.oksaa modtagelig for kultur."

Det var berre sùme bygdir, høgt upp i fjelle eller langt vest mot have, som var vrange og heldt paa sitt, so at handlarar og handelsreisande til slutt drog paa herdane og let deim vera. Og dei gjekk med sitt „bondeglo" som fyrr, og kjende seg ikkje meir „indianarar" enn dei hadde vori. For det var nok ikkje berre „glo", det dei fraa gamalt av klædde seg i. Det heldt, naar by-tye rauk; ja ein klædnad av desse gamle heldt ut mange av dei nye. So vart gamleklædi billegare med, samstundes som dei var so mykje gildare.

Sætisdalen

var millom dei bygdelagi som i klædevegen heldt seg best. Enno gjeng alt folke der, baade karar
og kvende, i sine sermerkte staute heimeklæde. Og det er nok ikkje av di dei „ikkje veit betre",
skulde eg tru; det vil vera faae stadir i lande der folk er meir upplyste eller fylgjer betre med enn i Sætisdal. Men det av gamalt som er sermerkt og fint held dei paa ikkje mindre for det. Serleg kjende er dei for sylvarbeide sitt, og for den fine kròtsaumen, som kvart kvende kann, og arbeider med fritt, utan fyriteikningar. Og dei er so glade i sin heime bunad og sin heime maate som dei alltid var, og bryr seg svært lite um aa herme etter framandt.

Klædebunaden i Sætisdalen er gild og byrg, og høver framifraa aat den staute sæbyggjen, men sjeldan so godt aat mindre eller veikare folk. Kvendebunaden er tung, og heller stutt, so ein

<< prev. page << föreg. sida << >> nästa sida >> next page >>

Project Runeberg, Sun Dec 10 12:53:27 2023 (aronsson) (diff) (history) (download) << Previous Next >> https://runeberg.org/kladebunad/0009.html

		Norsk klædebunad : (fraa ymse bygdir) / 7 (1903) Author: Hulda Garborg Table of Contents / Innehåll \| << Previous \| Next >>
	Project Runeberg \| Catalog \| Recent Changes \| Donate \| Comments? \|