Full resolution (JPEG) - On this page / på denna sida - Uppsatser och Undersökningar - I. Collijn. Bibliografiska Miscellanea - VI. En plattysk copia af ett hittills okändt Karl V:s plakat mot Luthers skrifter 1526
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Ettbladstryck i folio: jSjX^Öy mm. rader.
3 gotiska typer. / lombardinitial.
Copia efifte vthschrift (vth der westwerdesken sprake vp
vnse sprake) des mandates effte bodes dorch des Keyserlyken
högen Råde van borgon digen vnde Frowe Margreten wedder
Lutherum vnde svne todeders so hir na volget.
IT By dem Keysere in synem Råde.
Unsen leuen vnde ghetruwen mede Rådt gheuers vnde luden van
vnseme Råde In Brabant vnsen gruth vnde leffte.
Also in deme iare M. D. xxj tho vnser erkentnisse was
ge-komen, dat vele vnde mennigerleye dwalinge, quade lere vnde ketterye
gestrouwet vth ghebreytdet vnde vnder dat ghemene volck gheseyet
vnde ock by den ghelerden vorduldet vnde entholden vnde
daghe-lykes ieghenwardygen meer ghefödet worden by den boken van
martinus lutther vnde synen todeders vnde volgers ock gunners,
vmme dat wy mochten raden by to leggende vnde straffen, so
hebben wy in deme suluen iare na ghebehorlyken vnde rechtlyken
vordömygen van deme suluen martinus lutther vnde syner lere mit
vnsen apenen breuen van bewyllynghe vnde wullbort des Keysers
Rede effte plakatey alle de boke van deme vörschreuen lutther
vnde medefolger effte todeders vnde gunners den do wy vorbeden,
vnde de suluen vorkoft, gekoft effte gelesen worden by marcklyker
pyne, alse de by suluen Rychteren begrepen vnde behaget
ghe-settet. Vnde vp dat de sulue bose vorneminghe vnde vordenckynge
gedelget vth herten der minschen mochte vnde scholde kornen,
hebben beuolen, dat alle de vörschreuen böken apenbarlyken int
fuer gheworpen vnde vorbrant scholden warden, vnde vort by
anderen vnsen breuen by groter drouwinge gheschycket hebben, dat
men de vörschreuen boke effte der gelyken nummer meer scholden
werden gheprentet effte gedrucket, vp dat de dechtnisse böser lere
haluen van vörschreuen lutther vnde synen medegunners gansz vnde
ewych mochte vth gedelget vnde vornichtiget werden, dar to raden
vnde härden Wy alle Keyserlike Prelaten, wartlike Forsten vnde
Heren, vnde beuelen alle vnsen vndersaten de hant dar an to
hol-dende, vp dat de hillige Kristene loue in syneme wesende vnde
gudeme gheschycke möge biyuen vnde dat de armen sympelen
iude vnde ynnigen herten vmme nyheyt effte behendicheyt nicht
vorleydet mochten werden.
Alle welken vnsen vlyth vorgewent nicht tegenstande, Wy
synt vorwar ganslyken dar to gheschicket vnde angekeret efte
gemarket hebben, dat yo lenck yo meer dat gemeyne volck bedragen,
<< prev. page << föreg. sida << >> nästa sida >> next page >>
