Full resolution (JPEG) - On this page / på denna sida - Meddelanden och aktstycken - Brev från John Durie åren 1636—1638 utg. av Gunnar Westin
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
westin, brev från john durie
2 5 3
tiorem tanti criminis probationem quam tuo scripto continetur? An
sufficit Theologo in tam gravi Consultatione pro authoritate dicere,
hoc vel illud est ad salutem fundamental; iste vel iste, hic vel illic
errat fundamentaliter? Ea res certe meretur attentiorem meditationen!,
& majorem erga errantes å fundamento commiserationem, quam ego
videre possum in vestro scripto adhibitam fuisse. Si error noster
tam gravis & periculosus est tuo judicio, cur non eum nobis
exi-mere conaris? Profecto nihil ad ædificationem facit Errorem alicui
imputare, nec ilium ei demonstrare. Vtinam res tantas serio in
Charitate ad Correctionem errantium potius quam ad Erroris
expro-brationem & qualemcunque Repræsentationem tractare inciperemus!
An aliquid exinde commodi ad T. R. redit, quod nos erremus in
fundamento? Si autem nihil tale est, cur tam operose prætextus
illius criminis å vocibus quæritur, quæ tam evidenter sanam in
con-textu habent Sententiam?
Sed ego nolo hæc premere: nam fortassis in håc practica
suspi-cione circa Actionem tuam ego non minus erro, quam T. R:tia
er-ravit in suis Theoreticis circa Doctrinam nostram suspicionibus &
conjecturis quas in Epistola proposuit. Itaque lapsus nostras nobis
invicem condonemus, & de Remedio inposterum adhibendo hisce
Rebus cogitemus. Nam hoc ad Pacem & Concordiam inveniendam
faciet nos idoneos. Ego siquid de aliquo suspicor, non converto
statim conjecturas meas in condemnationem & censuram apertam:
sed existimo per Quæstionem esse cum illo procedendum ad
ob-scuritatem rei quæ suspicioni materiam præbet enucleandam. Rogo
igitur velitis hoc pacto in håc Doctrinæ nostræ Explicatione, quam
ego in Apposito Scripto V:ris Reverentijs offero mecum agere, si
quid minus accurate dictum esse inveniatur. Petite igitur hoc casu
å me fusiorem rei Explicationem: & ut melius satisfacere queam
vestro postulato causam dubitationis vestræ, sive illa å Phrasi, sive
a re ipsa originem trahat paucis subjungite. & spondeo me
omni-modam mentis nostræ dilationem R. T:æ ita propösiturum, ut decet
meam ingenuitatem. Nam håc ratione tandem perveniemus ad
trac-tandi modum in hisce rebus pacificum & ordinatum. Hunc si vel
invenire non possimus, aut inventum observare nequeamus, necesse
est omnia confundi & turbari. Si ergo T. R:tia votum suum, de
turbulentis ingenijs coërcendis stabilitum esse velit å Deo Opt. Max.
cogitet mecum de causis turbationum ab ingenijs hominum tollendis
in re Theologica. Meo equidem judicio duo sunt ingeniorum
tur-bulentorum genera: primum est eorum qui in rebus sacris sine
affec-tuum perturbatione versari nequeunt: aut qui miti Spiritu & humili
semetipsos præ alijs abnegare non student; tales ut plurimum
mun-dana divinis permiscere solent, & håc ratione omnia conturbant: dum
neque verum Scopum in sacris actionibus intendunt, nec legitima
media adhibent, nec ordinem debitum, aut in suis actionibus, aut
in medijs usurpandis observant sed pro arbitrio suo omnia fieri vo-
<< prev. page << föreg. sida << >> nästa sida >> next page >>
