Full resolution (JPEG)
- On this page / på denna sida
- Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
berr í tvær kistur miklar ok klyfjar þar með Grana;
tekr nú í tauma hestinum Grana; hestrinn vill nú eigi
ganga, ok ekki týr at keyra. Sigurðr finnr nú, hvat
hestrinn vill, hleypr hann á bak ok lýstr hann sporum,
ok rennr sjá hestr, sem lauss væri.
*
Bardagin á Rastarkálvi.
Þá er Hákon Aðalsteinsfóstri hafði konungr verit
í Noregi tuttugu vetr, kómu sunnan ór Danmörku synir
Eiríks blóðøxar ok höfðu allmikit lið. Þat var mikit
lið, er þeim hafði fylgt í hernaði, en þó var miklu
meiri Danaherr, er Haraldr konungr Gormsson hafði
fengit þeim í hendr. Þeir fengu hraðbyri mikit ok
sigldu út af Vendli ok kómu utan at Ögðum, heldu
síðan norðr með lanđi ok sigldu dag ok nótt. En
vitum var ekki upp skotit, fyrir þá sök at sú var
siðvenja, at vitar fóru austan eptir landi, en austr þar
hafði ekki orðit vart við ferð þeira. Þat bar enn til,
at konungr hafði viðrlög mikil, at vitar væri rangt upp
bornir, þeim mönnum, er kunnir ok sannir urðu at því,
fyrir þá sök at herskip ok víkingar fóru um úteyjar
ok herjuðu, ok hugðu landsmenn, at þar mundu fara
synir Eiríks; var þá vitum upp skotit, ok varð herhlaup
um land alt; en Eiríks synir fóru aptr til Danmerkr
ok höfðu engan Danaher haft nema sitt lið; en stundum
váru þat annars konar víkingar. Varð Hákon konungr
þessu mjök reiðr, er starf ok fékostnaðr varð af þessu,
en ekki gagn. Bœndr tölðu ok at fyrir sína hönd, er
svá fór. Ok var þessi sök til, er engi njósn fór fyrir
um ferð Eiríks sonn, fyrr en þeir kómu norðr í
Úlfasund. Þeir lágu þar sjau nætr, fór þá sögn hit efra
um Eið ok norðr um Mœri. En Hákon konungr var
þá á Norðmœri í ey þeiri, er Fræði heitir, þar sem
heitir Birkiströnd, at búi sínu, ok hafði ekki lið nema
hirð sína ok bœndr þá, er verit höfðu í boði hans.
Njósnarmenn kómu til Hákonar konungs ok segja
<< prev. page << föreg. sida << >> nästa sida >> next page >>
Project Runeberg, Sun Dec 10 15:10:59 2023
(aronsson)
(diff)
(history)
(download)
<< Previous
Next >>
https://runeberg.org/lesibok/0039.html
