- Project Runeberg -  Lesibók /
36

(1911) [MARC] Author: Adrias Christian Evensen
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Sidor ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

Ólavur kongur og hálvbrøður hans.



Svá er sagt, at Óláfr konungr hinn heilagi var á
veizlunni með Ástu móður sinni, at hon leiddi fram
börn sín ok sýndi honum. Konungrinn setti á kné sér
Guthorm bróður sinn, en á annat kné Hálfdan bróður
sinn. Konungrinn sá á sveinana; þá ygldisk hann ok
leit reiðuliga til þeira. Þá glúpnuðu sveinarnir. Þá
bar Ásta til hans enn yngsta son sinn, er Haraldr hét;
þá var hann trévetr. Konungrinn ygldisk á hann; en
sveinninn sá upp í móti honum. Þá tók konungr í hár
sveininum ok kipði; sveinninn tók upp í kanpinn
konunginum ok hnykði. Þá mælti konungrinn: »hefnisamr
muntu síðar, frændi!« Annan dag reikaði konungr úti
um bœinn ok Ásta móðir hans með honum. Þá gengu
þau at tjörn nakkvarri. Þar váru þá sveinarnir synir
Ástu ok léku sér, Guthormr ok Hálfdan. Þar váru
gervir bœir stórir ok kornhlöður stórar, naut mörg ok
sauðir; þat var leikr þeira. Skamt þaðan frá við
tjörnina hjá leirvík nakkvarri var Haraldr ok hafði þar
tréspánu, ok flutu þar við landit margir. Konungrinn
spurði bann, hvat þat skyldi. Hann kvað þat vera
herskip sín. Þá hló konungr at ok mælti: »vera kann,
frændi! at þar komi, at þú ráðir fyrir skipum.« Þá
kallaði konungr þangat Hálfdan ok Guthorm. Þá spurði
hann Guthorm: »hvat vildir þú flest eiga, frændi?«
»Akra,« segir hann. Konungr mælti: »hversu víða akra
myndir þú eiga vilja?« Hann svarar: »þat vilda ek,
at nesit þetta væri alt sáit hvert sumar, er út gengr í
vatnit.« En þar stóðu tíu bœir. Konungrinn svarar:
»mikit korn mætti þar á standa.« Þá spurði konungr
Hálfdan, hvat hann vildi flest eiga.« »Kýr,« segir hann.
Konungr spurði: »hversu margar vildir þú kýr eiga?«
Hálfdan sagði: »þá er þær gengi til vats, skyldu þær
standa sem þykst umhverfis vatnit.« Konungrinn svarar:
»bú stór vilið it eiga; þat er glíkt feðr ykkrum.« Þá
spyrr konungr Harald: »hvat vildir þú flest eiga?«
Hann svarar: »húskarla«, segir hann. Konungr mælti:
»hvé marga villdu þá eiga?« Hannsvarar: »þat vilda ek,
at þeir æti at einu máli kýr Hálfdanar bróður míns.«
Konungr hló at ok mælti til Ástu: »hér muntu konung
upp fœða, móðir!« Eigi er þá getit fleiri orða þeira.

*



<< prev. page << föreg. sida <<     >> nästa sida >> next page >>


Project Runeberg, Sat Dec 21 12:26:56 2019 (aronsson) (diff) (history) (download) << Previous Next >>
http://runeberg.org/lesibok/0050.html

Valid HTML 4.0! All our files are DRM-free