- Project Runeberg -  Lesibók /
58

(1911) [MARC] Author: Adrias Christian Evensen
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Sidor ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

Frá Sigmundi [1].

Þat sumar, er þeir bræðr Brestir og Beinir voru
drepnir, varð höfðíngjaskipti í Noregi, var feldr frá
landi Haraldr gráfeldr, en Hákon jarl kom í staðinn,
ok var þá fyrst skattjarl Haralds konúngs Gormssonar,
ok hèlt ríki af honum; var þá eydt öllu ríki þeirra
Gunnhildarsona, sumir voru drepnir, en sumir flýðu or
landi. Nú er at segja frá þeim Sigmundi ok Þóri, at
þeir eru tvo vetr síðan í Víkinni, er Rafn lét þá lausa,
ok er þá uppgeingit fèð, þat Rafn fèkk þeim, ok er
Sigmundr þá tólf vetra gamall, en Þórir fjórtan vetra;
spyrja til ríkis Hákonar jarls, ok gera nú þat ráð fyrir
sèr at vitja hans, ef þeir mætti því viðkotna; þikir
þeim sér þat líkligast til nokkurs góðs, er feðr þeirra
höfðu honum þjónat; gánga nú or Víkinni til Upplanda,
ok þann veg austr eptir Heiðmörk ok norðr til Dofrafjalls,
ok koma þar við vetr sjálfan, ok snjófar þá á
fyrir þeim ok vetrar; ráða þeir þó á fjallit með litlu
ráði, fara villt ok liggja úti, svâ at mörgum dægrum
skipti, matarlausir, ok þá lagðist Þórir fyri, ok biðr
Sigmund þá hjálpa sèr ok leita af fjallinu; hann kvað,
at þeir skyldu báðir afkoma, eðr hvorgi þeirra ella;
en sá var munr krapta þeirra, at Sigmundr leggr Þóri
á bak sèr, ok veit þá heldr fyrir ofan; dasaðust nú
mjök báðir; finna nú eitt kveld dalverpi nokkut á
fjallinu, ok fóru nú eptir því, ok um síðir kenna þeir
reykjarþef, ok því næst finna þeir bæ, ok gánga inn,
ok finna stofu; þar sátu konur tvær, önnur við aldr,
en önnur úng stúlka; báðar voru þær fríðar sjónum;
þær heilsuðu vel sveinum þessum, ok drógu af þeim
klæðin, en fá þeim þurr klæði í staðinn, ok brátt gefa
þær þeim mat at eta, ok síðan fylgja þær þeim til
svefns, ok búa um þá vel, ok segja at þær vilja, at
þeir yrði eigi fyri bónda, er hann kemr heim, kvað
hann vera stygglyndan. Nú vaknar Sigmundr við þat,
at maðr kemr inn, mikill vexti, ok í hreinbjálba, ok
hafði hreindýri á baki; hann hafði uppi nasarnar, ok
var ýgldr, ok spurði, hvat komit væri. Húsfreyja
sagði, at þar voru komnir sveinar tveir: veslíngar,
kalnir ok máttdregnir mjök, svâ at komnir eru at bana.
Hann svarar: svâ máttu oss skjótast uppi hafa, at þit


[1] Eftir tí íslendska grundtextinum.

<< prev. page << föreg. sida <<     >> nästa sida >> next page >>


Project Runeberg, Sat Dec 21 12:26:56 2019 (aronsson) (diff) (history) (download) << Previous Next >>
http://runeberg.org/lesibok/0072.html

Valid HTML 4.0! All our files are DRM-free