Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
(Úr sjálvum seyðabrævinum): ...............Nú liggja
haglendi saman utan garðs, ok eigu ij menn hvárr sín
haga, ok gengr sauðr ór annars haga ok í hins, ok
verðr þar hagfastr, ok telr hinn at, er þann haga á.
Þá taki sá sauð sinn allan, ok beri í sinn haga. Nú
gengr þessi sauðr aptr í þann haga, er hann var brot
ór borinn; ok svá annat sinn, ok þriðja sinn. Falli
þessi sauðr úgildr þeim, er á. Utan hinn vili taka
leigu fyrir haga sinn, xx álnir fyrir sauða mörk hverja.
En ef hann vili eigi leigu taka, þá skal hinn, er sauð
á, bjóða honum kaup á hálfum sauðinum við sik. Nú
ef hann vill hvárki kaupa né leigu taka, þá føri hinn
sauð sinn ór haga sér at hagræðum, ok hafi ór innan
xij mánaða. Nú vill sá, er sauð á, hvárki leigu bjóða
né selja þeim, er hagann á, falli sauðr úgildr sem áðr.
Þar skal sauð ofan reka, sem hann er hagfastr, ok
réttum upp halđa hverr eptir sauða magni; enn ef
öðru vísu er gjört, bøti konungi iij öyrum silfrs, en
hinuni skaðabót eptir logum, er sauðinn á, ef skaði verðr
at. Nú ef menn eru at samrétt, ok eigu þar margir
menn sauð saman, þá merki hverr lamb eptir þvi sem
á ær til, ok hyggi at hvé margar tvílembr eru. Ok
svá ef úkunnr sauðr er í þeirri rétt, þá hyggi
sauða-menn at, hversu margar, er lomb hafa, ok merki hverri
lamb, er eigi er gelđ. Enn ef einnliverr mismarkar
sauð í þessarri rétt, þá hafi sá sauð sinn, er á, þegar
réttar kenningar koma til, eða annan sauð jafngóðan.
Enn sá sé engu sekr, er mismarkaði í samrétt.
Bræv, skrivcið á Viðareiði ár 1404.
011 um mönnum þeim sem þetta bréf sía eður höyra
senda Brynjolfr Þorbergsson, prestur í Sandöy, Jón
ólafsson, Svein Magnússon, iögréttumenn í fyrr nefndri
Sandöy, kveðju Guðs ok sína kunnigt gerandi, at þat
er oss viturligt, at Arnbjörn Gudleiksson, sem átti
Guðrunu dóttur Sjúrða Hjalt í Finngarðinum til ektar
konu, hann átti Húsavík ok Dal, so mikit sem til
Húsa-víkar lá, ok í Skálavík ok í Skarfanesi ok Sandi so
mikit sem undir Húsavík hefir ligið, ok at áður nefndur
Arnbjörn átti skilgitin son ok dóttur með fyrr nefndri
Guðrunu, ok hét Sjúrður ok hann erfði fyrr nefndan
Arnbjörn, feðr sín, ok þá erfði sj^stir skilgitin áður
nefndan Sjúrð, bróður sín, ok þá bleif hon deyð, ok þá
<< prev. page << föreg. sida << >> nästa sida >> next page >>
