- Project Runeberg -  Norsk maalsoga for skule og heim /
46

(1907) [MARC] Author: Marius Hægstad
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - c. Nyaste norsk, nynorsk bokmaal (1850 til no)

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

Telemarken“. Den maalformi han der brukar, skil seg
ikkje mykje ut fraa Ivar Aasen si. Professor
Bugge segjer um si form, at han ikkje nøgje hev
fylgt uttalen i Telemarki, men ofte teke upp
fullare eller meir aalmenne former etter
samanlikning med dei andre norske bygdemaal eller med
gamalnorsk.[1]

Men Ivar Aasen var den som med beste
kjennskapen til det norske folkemaal og med det
finaste øyra for samklangen i maalet fann den
formi som vann det norske folkehjarta. Og
verknaden viste seg snart. Fraa den tid denne
skriftformi vart kjend, hev det til kvar tid vorte fleire
og fleire som hev teke til aa skriva norsk, og me
er alt paa god veg til aa byggja upp eit bokrike
i landet paa vaart eige maal.

Den norske maalreising er i full gang.[2]

Etter dette fekk me daa tvo bokmaal i landet,
liksom me hev tvo talemaal. So allmegtig som
dansken var, er det sjølvsagt at det maatte verta
ein hard strid millom deim som hadde vant seg
til det gamle, og deim som vilde hava upp eit
heilstøypt norsk maal, som ikkje var norsk berre
i namnet. Men i den striden hev norsken vunne
fleire og fleire vener innanfor alle lag og alle
politiske parti i landet, helst millom landsfolket. I
1885 vart det av storting og riksstyring
vedteke, at landsmaalet eller nynorsken skulde vera


[1] Sidan hev ogso andre som Olaus Fjørtoft, O. I. Høiem
i 70—80 aari, ofl. freista aa setja upp mynsterformer, som
i sume stykke veik noko meir av fraa Ivar Aasen si. Dei
fekk ikkje framgang med formerne sine, um dei endaa hev
set merke etter seg paa andre maatar.
[2] For det norske maal paa Færøyarne — færøymaalet — hev
V. A. Hammershaimb sett upp ein aalmenn skrivemaate
(Annal. f. nord. oldkynd. 1854), og i den siste
mannsalderen hev ogso færøymaalet teke til aa reisa seg og
krevja sin rett i skule og kyrkja.

<< prev. page << föreg. sida <<     >> nästa sida >> next page >>


Project Runeberg, Wed Nov 10 18:04:51 2021 (aronsson) (diff) (history) (download) << Previous Next >>
http://runeberg.org/maalsoga/0046.html

Valid HTML 4.0! All our files are DRM-free