Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
ne, plus Deo diligendo filium, maximum sanctae ecclesiae
inferant detrimentum. Patenter enim Deum et proximum,
sicut Christianum oportet, non amare convincitur, qui tantae
utilitati tamque necessariae sanctae matri ecclesiae, prout
melius potest, negligit providere. Hac namque virtute, id
est caritate, neglecta, quicquid boni aliquis fecerit, omni
salutis fructu carebit. Haec itaque humiliter agendo et
amorem Dei et proximi sicut oportet servando, praesumant
de illius misericordia, qui dixit: Discite a me, quia mitis
sum et humilis corde. Quem si humiliter imitati fuerint,
de regno servili et transituro ad regnum vere libertatis
et aeternitatis transibunt.
V. Calixtus ii, kejsar Henrik v. — Konkordatet
i Worms. — 23 sept. 1122.
Påfvens fördragsbref (privilegium).
Ego Calixtus episcopus, servus servorum Dei, tibi,
dilecto filio Heinrico, Dei gratia Romanorum imperatori
augusto, concedo electiones episcoporum et abbatum
Teutonici regni, qui ad regnum pertinent, in presentia tua
fieri, absque symonia et aliqua violentia; ut, si qua inter
partes discordia emerserit, metropolitani et
comprovincialium consilio vel iudicio, saniori parti assensum et
auxilium prebeas. Electus autem regalia, absque omni
exactione, per sceptrum a te recipiat, et que ex his iure tibi
debet faciat.
Ex aliis vero partibus imperii consecratus, infra
sex menses, regalia absque omni exactione per sceptrum
a te recipiat, et que ex his iure tibi debet faciat.
Exceptis omnibus, que ad Romanam ecclesiam pertinere
noscuntur.
De quibus vero mihi querimoniam feceris et
auxilium postulaveris, secundum officii mei debitum auxilium
tibi prestabo. Do tibi veram pacem et omnibus, qui in
parte tua sunt vel fuerunt tempore huius discordiae.
<< prev. page << föreg. sida << >> nästa sida >> next page >>
