Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Kejsarens fördragsbref (pre ceptum).
In nomine sancte et indiuidue trinitatis. Ego
Hein-ricus, Dei gratia Romanorum imperator augustus, pro
amore Dei et sancte Romane ecclesie et domini pape
Calixti, et pro remedio anime mee, dimitto Deo et
sanctis Dei apostolis Petro et Paulo sancteque catholice
ecclesie omnem investituram per anulum et baculum,
et concedo in omnibus ecclesiis, que in regno vel
imperio meo sunt, canonicam fieri electionem et liberam
consecrationem.
Possessiones et regalia beati Petri, que a principio
huius discordie usque ad hodiernam diem siue tempore
patris mei siue etiam meo ablata sunt, que habeo eidem
sancte Romane ecclesie restituo, que autem non habeo
ut restituantur fideliter iuuabo. Possessiones etiam
aliarum omnium ecclesiarum et principum, et aliorum tam
clericorum quam Jaicorum, que in werra ista amisse sunt,
consilio principum vel iusticia, que habeo reddam, que
non habeo ut reddantur fideliter iuuabo.
Et do veram pacem domino pape Calixto sancteque
Romane ecclesie et omnibus, qui in parte ipsius sunt vel
fuerunt; et in quibus sancta Romana ecclesia auxilium
postulauerit, fideliter iuuabo, et de quibus mihi fecerit
querimoniam, debitam sibi faciam iusticiam.
Hec omnia acta sunt consensu et consilio principum,
quorum nomina subscripta sunt: Adelbertus archiepiscopus
Mogontinus, F. Coloniensis archiepiscopus, H.
Ratisbonen-sis episcopus, 0. Bauenbergensis episcopus, B. Spirensis
episcopus, H. Augustensis, G. Traiectensis, Ou.
Constan-ciensis, E. abbas Vuldensis, Heinricus dux, Fridericus dux,
S. dux, Pertolfus dux, marchio Teipoldus, marchio
Engel-bertus, Godefridus palatinus, Otto palatinus comes,
Be-ringarius comes.
Ego Fridericus Coloniensis archiepiscopus et
archi-cancellarius recognovi.
<< prev. page << föreg. sida << >> nästa sida >> next page >>