Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
hibentes. Unde non videtur licere contra licita juramenta
venire. Videtur etiam non decere, ut, cum ipse apostolicae
sedis sit tutelae commissus et sub ejus protectione
receptus, per eam privetur imperio, per quam in jure suo
fuerat confovendus, maxime cum sit scriptum: Pupillo tu
eris adjutor. Quod non expediat contra ipsum venire, illa
praesertim ratione videtur, quod, cum idem puer ad annos
discretionis perveniens intellexerit per Romanam
ecclesiam imperii se honore privatum, non tantum non
exhibebit ei reverentiam consuetam, sed ipsam potius modis
quibus poterit impugnabit et regnum Siciliae retrahet a
devotione ipsius et negabit ei obsequium consuetum.
Verum contrarium e contra videtur, quod liceat videlicet,
deceat et expediat venire contra electionem ipsius. Quod
liceat, videtur ex eo, quod juramenta illa fuerunt illicita
et electio indiscreta. Elegerunt enim personam non
idoneam nec non solum imperio, sed nec alicui officio
congruentem, puerum videlicet vix duorum annorum et
nondum sacri baptismatis unda renatum. Unde non
videntur tam illicita et indiscreta juramenta servanda. Nec
obest quod de Gabaonitis objicitur, cum juramentum illud
potuerit sine Israelitici populi laesione servari; haec
autem servari nequeant absque gravi jactura non unius
gentis, sed ecclesiae damno et dispendio populi Christiani.
Nec obstat quod opponitur, juramenta illa licita secundum
intentionem jurantium extitisse. Intelligebant enim, quod,
etsi eum tunc in imperatorem eligerent, non tamen ut
tunc imperaret, sed postquam ad legitimam perveniret
aetatem. Sed qualiter de ipsius idoneitate poterant
judicare? Nonne potuisset esse stultus vel usque adeo
improvidus, ut esset indignus minori etiam dignitate? Sed
pone illos intellexisse, ut tandem imperaret, cum esset
idoneus ad imperium gubernandum, interim autem pater
reipublicae provideret. Casus postmodum intervenit,
propter quem non potest nec debet juramentum hujusmodi
observari, de quo principes nullatenus cogitabant,
scilicet patris decessus. Unde, cum per procuratorem non
<< prev. page << föreg. sida << >> nästa sida >> next page >>
