Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
bitum immutare, cum potius praecipiatur a Domino:
Diligite inimicos vestros, benefacite his, qui oderunt vos, et orate
pro persequentibus et calumniantibus vos. Quod non
expediat, patenter apparet. Cum enim potens sit tam terra
quam opibus et personis, non videtur expedire, ut contra
torrentem brachia dirigamus, tam potenti nos taliter
opponentes, ut eum reddamus nobis et ecclesiae inimicum, et
ne majorem videamur discordiam suscitare, fieretque
novissimus error pejor priore, cum nos potius pacem
inquirere et persequi et evangelizare aliis debeamus, quae
fovendo illum posset de facili provenire. Verum e contra
videtur, quod liceat nos ei opponere. Fuit enim juste ac
solemniter per praedecessorem nostrum excommunicationis
sententia innodatus: juste, quia beati Petri patrimonium
partim per violentiam occuparat, partim damnificarat
incendiis et rapinis, et super hoc commonitus semel et
iterum per fratres nostros satisfacere non curarat;
solemniter, quoniam in celebratione missarum in ecclesia beati
Petri in festivitate non parva, quod ipse postmodum
recognovit, cum pro absolutione sua nuntium ad sedem
apo-stolicam destinavit, et cum tandem per delegatos nostros
contra formam mandati nostri post electionem suam se
fecit absolvi. Unde patet, quod fuerit excommunicatus
electus. Videtur quoque forsan aliquibus, quod nondum
sit ab excommunicationis vinculo absolutus, cum
quondam Sutrinus episcopus in absolutione ipsius formam non
servaverit sibi datam, cum forma data eidem fuerit haec,
ut pro absolutione venerabilis fratris nostri Salernitani
archiepiscopi, quem ante absolutionem ipsius mandabamus
ab ergastulo suae captivitatis absolvi, ei laborem itineris
veniendi ad sedem apostolicam relaxaret, et postmodum
recepto ab eo publice secundum formam ecclesiae
juramento, quod super iis, pro quibus excommunicatus fuerat,
mandato nostro pareret, munus ei absolutionis
impenderet; sed ipse, nondum archiepiscopo absoluto, et nullo ab
eo juramento recepto, non in publico, sed clam ipsum
absolvere de facto solummodo, quia de jure non potuit, est
<< prev. page << föreg. sida << >> nästa sida >> next page >>
