Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Ottonis imperii invictissimi imperatoris xxvn, facta est
haec pactio feliciter.
IX. Konrad ii. — Edictum de beneficiis. — Vid
Mllano, 28 maj 1037.
In nomine sanctae et individuae trinitatis.
Chuon-radus Dei gratia Romanorum imperator augustus.
Omnibus sanctae Dei ecclesiae nostrisque fidelibus,
praesentibus scilicet et futuris, notum esse volumus, quod nos ad
reconciliandos animos seniorum et militum, ut ad invicem
semper inveniantur concordes, et ut fideliter et
perseveranter nobis et suis senioribus serviant devote, praecipimus
et firmiter statuimus, ut nullus miles episcoporum,
abbatum, abbatissarum aut marchionum vel comitum vel
omnium, qui beneficium de nostris publicis bonis aut de
ecclesiarum praediis nunc tenet aut tenuerit vel hactenus
iniuste perdidit, tam de nostris maioribus walvassoribus,
quam et eorum militibus, sine certa et convicta culpa
suum beneficium perdat, nisi secundum constitutionem
antecessorum nostrorum et iudicium parium suorum. Si
contentio fuerit inter seniores et milites, quamvis pares
adiudicaverint illum suo beneficio carere debere, si ille
dixerit hoc iniuste vel odio factum esse, ipse suum
beneficium teneat, donec senior et ille, quem culpat, cum
paribus suis ante praesentiam nostram veniant, et ibi
causa iuste finiatur. Si autem pares culpati in iudicio
senioribus defecerint, ille, qui culpatur, suum beneficium
teneat, donec ipse cum suo seniore et paribus ante
nostram praesentiam veniant. Senior autem aut miles, qui
culpatur, qui ad nos venire decreverit, sex hebdomadas
antequam iter incipiat ei, cum quo litigaverit, innotescat.
Hoc autem de maioribus walvassoribus observetur. De
minoribus vero in regno aut ante seniores aut ante
nostrum missum eorum causa finiatur. Praecipimus etiam,
ut, cum aliquis miles, sive de maioribus sive de minoribus,
de hoc seculo migraverit, filius eius beneficium habeat.
<< prev. page << föreg. sida << >> nästa sida >> next page >>
