- Project Runeberg -  Medeltidens statsskick omkr. 800-1350. Valda texter. Historiska texter för akademiska öfningar /
113

(1895) [MARC] With: Harald Hjärne
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - Sidor ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has never been proofread. / Denna sida har aldrig korrekturlästs.

87. A judicio coactivo, episcopo vel sacerdoti
concesso, semper ad legislatorem contendentem liceat
appellare, vel ad ejus auctoritate principantem.

88. Perfectionem evangelicam summae paupertatis
servare debentem nihil immobilium in sua potestate
habere posse absque determinato proposito quodlibet tale
habitum vendendi, cum primum potuerit, pretiumque
pauperibus tribuendi, mobilis autem aut immobilis rei
nullius habere dominium seu potestatem, cum proposito
scilicet vindicandi eam coram judice coactivo ab auferente
vel auferre volente.

39. Episcopis reliquisque ministris evangelicis quae
ad alimentum et tegumentum necesse fuerint, saltem
quotidianae vitae, quae ministrat evangelium, multitudo vel
persona singularis secundum legem divinam et suam
possibilitatem exhibere tenetur, decimas vero vel alterum
quid aliud, si superfuerit dictorum ministrorum necessitati
supplendae, nequaquam.

40. Legislatorem fidelem, aut ejus auctoritate
principantem, in subjecta sibi provincia compellere posse tam
episcopos quam reliquos evangelicos ministros, quibus de
sufficientia victus et tegmenti provisum est, ad divina
officia celebranda et sacramenta ecclesiastica ministranda.

41. Episcopum Romanum et alium quemlibet
ecclesiasticum, seu spiritualem ministrum, secundum legem
divinam per solum fidelem legislatorem, aut ejus auctoritate
principantem, vel fidelium generale concilium ad officium
ecclesiasticum separabile promoveri debere, ab eodem
quoque suspendi atque privari, exigente delicto.

42. Possent autem aliae quam plures et utiles
conclusiones ex prioribus divisionibus per necessitatem
inferri; quas tamen deduximus, contenti sumus quoniam
ad praedictam pestem cum ipsius causa succidendam
facilem atque sufficientem praebent ingressum.

<< prev. page << föreg. sida <<     >> nästa sida >> next page >>


Project Runeberg, Sun Dec 10 16:41:32 2023 (aronsson) (download) << Previous Next >>
https://runeberg.org/medstat/0136.html

Valid HTML 4.0! All our files are DRM-free