Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
vendere seu vendi facere teneantur, nullam in premissis
fraudem quomodolibet adhibendo; alioquin contrarium
facientes penas illas volumus ipso facto incurrere, quas in
precedentibus contra cives et communitates duximus
promulgandas. Quisquis insuper ex principibus, comitibus,
baronibus, militibus, clientibus, nobilibus seu ignobilibus,
civibus seu communitatibus civitatum principi electori ad
electionem de rege Romanorum celebrandam eunti vel ab ipsa
denuo redeunti hostiles custodias tendere seu insidias
parare presumpserit aut ipsos vel eorum aliquem in sua vel
suorum personis aut rebus invadere vel turbare seu
ipsorum vel alicujus eorum nuncios antedictos (sive
conductum petierint sive eciam non duxerint exigendum), hunc
unacum universis malitie sue complicibus ipso facto
supra-dictas penas decernimus incurrisse, ita videlicet, quod
que-vis persona penam incidat sive penas, quas juxta premissa
pro qualitate personarum duximus infligendas.
4. Si vero aliquis princeps elector cum aliquo suo
coelectore inimicicias gereret, et inter eos quecunque
contentio, controversia seu dissensio verteretur, hiis
nequaquam obstantibus, alter alterum vel alterius nuncios ad
electionem hujusmodi destinandos premisso modo
conducere sit astrictus, sub pena perjurii ac perditionis ea vice
dumtaxat sue vocis in electione, ut superius est expressum.
5. Si qui vero alii principes, comites, barones,
milites, clientes, nobiles vel ignobiles, cives vel communia
civitatum cum aliquo principe electore vel pluribus ex eisdem
adversam gererent voluntatem, seu quevis discordia inter
ipsos ad invicem vel guerra sive dissensio verteretur,
ni-chilominus, omni contradictione et dolo cessantibus,
principi electori vel principibus seu ejus vel ipsorum nunciis
ad electionem hujusmodi destinandis, et redeuntibus ab
eadem, talem debeant prestare conductum, prout singuli
penas jamdictas per nos in se latas voluerint evitare,
quas eos, qui secus fecerint, incurrisse decernimus eo ipso.
Ad premissorum autem omnium firmitatem et certitudinem
ampliorem jubemus et volumus, ut universi principes elec-
<< prev. page << föreg. sida << >> nästa sida >> next page >>
