Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
bus premittitur, per archiepiscopum Maguntinensem
jubemus et decernimus suis patentibus literis declarari; quod
si idem archiepiscopus in executione et intimatione
hujusmodi negligens aut remissus fortasse existeret, extunc
iidem principes motu proprio, eciam non vocati, pro fidei
sue virtute, qua sacrum prosequi tenentur imperium, post
hoc infra tres menses, sicut in constitutione supra
proxime posita continetur, in civitate Frankenford sepedicta
convenient electuri regem Romanorum in cesarem
promovendum.
17. Debet autem unusquisque princeps elector vel
sui nuncii predictam civitatem Frankenford cum
ducentis equitaturis tantummodo prefate electionis tempore
introire, in quorum numero quinquaginta tantum armatos
vel pauciores introducere secum poterit, sed non plures.
18. Princeps vero elector, ad electionem hujusmodi
vocatus et requisitus, et ad ipsam non veniens, vel
legales nuncios cum literis patentibus, sigillo suo majori
sigillatis plenamque et liberam ac omnimodam potestatem
continentibus ad eligendum Romanorum regem futurum
imperatorem, non dirigens, aut veniens aut hujusmodi
nuncios forte transmittens, si postea princeps ipse aut
predicti nuncii a predicto electionis loco recederent, rege
Romanorum futuro cesare non electo, nec ad premissa
procuratore legitimo substituto solempniter et relicto,
electionis voce seu jure, quod in eadem electione habuit
et tali modo deseruit, careat ea vice.
19. Injungimus autem civibus de Frankenford et
mandamus, ut ipsi universos principes electores in
genere et quemlibet eorum ab invasione alterius, si quid
inter eos adversitatis emergeret, et eciam ab omni
homine, cum omnibus eorum hominibus, quos ipsi et eorum
quilibet in prefato ducentorum equorum suorum numero
ad prefatam duxerint civitatem, in virtute juramenti,
quod super hoc ipsos ad sancta prestare statuimus, fideli
studio et solerti diligentia protegant et defendant;
alio-quin perjurii reatum incurrant et nichilominus omnia jura
<< prev. page << föreg. sida << >> nästa sida >> next page >>
