Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
qui inter electores laycos ex regie dignitatis fastigio jure
et merito obtinet primariam, quarto a comite palatino
Reni, quinto a duce Saxonie, sexto a marchione
Bran-demburgensi; horum omnium vota premisso jam ordine
dictus archiepiscopus Maguntinensis perquiret. Quo facto
dicti principes sui consortes ipsum viceversa requirent,
ut et ipse intentionem suam exprimat et ipsis aperiat
votum suum. Preterea in celebratione imperialis curie
marchio Brandemburgensis aquam lavandis imperatoris
vel regis Romanorum manibus ministrabit; primum vero
potum rex Boemie, quem tamen sub corona regali juxta
privilegiorum regni sui continentiam nisi libera voluntate
voluerit, mon tenebitur ministrare; comes eciam palatinus
cibum afferre tenebitur, et dux Saxonie marescallatus
officium exercebit, ut solitum est fieri ab antiquo.
V. De jure comitis palatini et eciam Saxonie ducis. —
1. Quotiens insuper, ut premittitur, sacrum vacare
continget imperium, illustris comes palatinus Reni sacri imperii
archidapifer ad manus futuri regis Romanorum in
partibus Reni et Suevie et in jure Franconico ratione
principatus seu comitatus palatini privilegio esse debet
provisor ipsius imperii cum potestate judicia exercendi, ad
beneficia ecclesiastica presentandi, recolligendi redditus et
proventus et investiendi de feudis, juramenta fidelitatis
vice et nomine sacri imperii recipiendi, que tamen per
regem Romanorum postea electum suo tempore omnia
innovari et de novo sibi juramenta ipsa prestari
debebunt, feudis principum dumtaxat exceptis et illis, que
vanlehen vulgariter appellantur, quorum investituram et
collationem soli imperatori vel regi Romanorum
specialiter reservamus. Ipse tamen comes palatinus omne
genus alienationis seu obligationis rerum imperialium
hujusmodi provisionis tempore expresse sibi noverit
interdictum. Et eodem jure provisionis illustrem ducem Saxonie
sacri imperii archimarescallum frui volumus in illis locis,
ubi Saxonica jura servantur, sub omnibus modis et
conditionibus, sicut superius est expressum.
<< prev. page << föreg. sida << >> nästa sida >> next page >>
