Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Romanorum, qui pro tempore fuerit, de ipso providere
debebit et poterit, tanquam de re ad se et imperium
legitime devoluta, salvis semper privilegiis, juribus et
consuetudinibus regni nostri Boemie super electione regis in
casu vacationis per regnicolas, qui jus habent eligendi
regem Boemie, facienda juxta continentiam eorundem
privilegiorum et observatam consuetudinem diuturnam a
divis Romanorum imperatoribus sive regibus obtentorum,
quibus ex hujusmodi sanctione imperiali in nullo
prejudi-cari volumus, ymo ipsa decernimus nunc et perpetuis
futuris temporibus in omni suo tenore et forma indubiam
tenere roboris firmitatem.
VIII. De regis Boemie et regnicolarum ejus
immunitate. — Cum per divos Romanorum imperatores et
reges predecessores nostros illustribus Boemie regibus
progenitoribus et predecessoribus nostris, necnon regno
Boemie ejusdemque regni corone, olim concessum fuerit
gra-ciosius et indultum sitque in regno eodem a tempore,
cujus contrarii hodie non existit memoria, consuetudine
laudabili inconvulse servata diuturnitate temporum et
pre-scripta moribus utentium, sine contradictionis aut
interruptionis obstaculo introductum, quod nullus princeps, baro,
nobilis, miles, cliens, burgensis, civis, nulla denique
persona ejusdem regni et pertinentiarum ejus ubicunque
consistentium, cujuscunque status, dignitatis, preminencie
vel conditionis existat, ad cujuscunque actoris instantiam
extra regnum ipsum, ad quodcunque tribunal seu alterius
preterquam regis Boemie et judicum regalis curie sue
judicium citari potuerit sive trahi nec vocari debeat
perpetuis inantea temporibus sive possit; ideoque privilegium,
consuetudinem et indultum hujus auctoritate imperiali et
de imperialis potestatis plenitudine ex certa scientia
innovantes et eciam confirmantes hac presenti nostra
constitutione imperiali perpetuis temporibus valitura
statuimus, ut, si contra privilegium, consuetudinem vel
indultum prefatum quispiam predictorum (puta princeps, baro,
nobilis, miles, cliens, civis, burgensis seu rusticus aut alia
<< prev. page << föreg. sida << >> nästa sida >> next page >>
