Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
quecunque persona premissa) ad cujuscunque tribunal extra
regnum predictum Boemie in quacunque causa criminali,
civili vel mixta seu super quocunque negocio citatus
fuerit quocunque tempore vel citata, comparere vel in
judicio respondere minime teneatur. Quodsi adversus
hujusmodi non comparentes vel comparentem a quocunque
judice, cujuscunque auctoritatis existat, extra regnum
Boemie constituto judicialiter procedi, processus fieri seu
sententias interlocutorias vel diffinitivas, unam vel plures,
in quibuscunque prenominatis causis sive negociis quovis
modo ferri et promulgari continget, auctoritate premissa
de plenitudine insuper antedicte imperatorie potestatis
citationes, precepta, processus et sententias hujusmodi
necnon executiones et omnia, que ex eis vel aliquo eorum
quomodolibet sequi, attemptari possent vel fieri, irritamus
penitus et cassamus, adiicientes expresse et edicto
imperiali perpetuo valituro eadem auctoritate et de premisse
potestatis plenitudine decernentes, ut, quemadmodum in
predicto regno Boemie a tempore, cujus contrarii non
habetur memoria, jugiter observatum existit, ita nulli
prorsus principi, baroni, nobili, militi, clienti, civi, burgensi
seu rustico, nulli demum persone seu incole regni Boemie
sepedicti, cujuscunque status, preminentie, dignitatis vel
condicionis existant vel existat, a quibuscunque
processibus, sententiis interlocutoriis vel diffinitivis sive preceptis
regis Boemie aut quorumcunque suorum judicum necnon
executionibus eorundem contra se in regali judicio seu
coram regis, regni seu predictorum judicum tribunalibus
factis aut latis, habitis vel ferendis inantea seu fiendis
liceat ad quodcunque aliud judicium appellare,
provocacio-nes quoque seu appellationes hujusmodi, si quas contra
hoc interponi contigerit, eo ipso viribus non subsistant,
et appellantes ipsi penam perditionis causarum ipso facto
se noverint incurrisse.
IX. De auri, argenti et aliarum specierum mineris.
— Presenti constitutione imperpetuum valitura statuimus
ac de certa scientia declaramus, quod successores nostri
<< prev. page << föreg. sida << >> nästa sida >> next page >>
