Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
dampna in ipsis inferens seu consilium, auxilium prestans
talia facientibus vel favorem, feuda et beneficia hujusmodi
eo ipso amittat, infamis existat et banno imperiali
subjaceat, et nullus ad feuda vel beneficia hujusmodi pateat
ei de cetero quocunque tempore aditus vel regressus, nec
de novo concedi sibi valeant ullo modo, et facta eis
contra hec illorum concessio seu investitura secuta viribus
non subsistat. Postremo omnes penas predictas illos vel
illum, qui predicta resignatione non facta contra dominos
suos fraudulenter agentes vel agens scienter eos
invaserint vel invaserit, diffidacione quacunque previa vel
ob-missa, vigore presentis sanccionis incurrere decernimus
eo ipso.
XV. De conspirationibus. — Detestandas preterea
et sacris legibus reprobatas conspirationes et
conventicu-las seu colligationes illicitas in civitatibus et extra, vel
inter civitatem et civitatem, inter personam et
personam sive inter personam et civitatem, pretextu parentele
seu receptionis in cives vel alterius cujuscunque coloris
conjurationes, insuper et confederationes et pacta necnon
et consuetudinem circa hujusmodi introductam, quam
censemus potius corruptelam, reprobamus, dampnamus et ex
certa scientia irritamus, quas civitates seu persone
cujuscunque dignitatis, condicionis aut status sive inter se sive
cum aliis absque auctoritate dominorum, quorum subditi
vel ministeriales seu in quorum districtu consistunt,
eisdem dominis nominatim exceptis, fecerunt hactenus et
facere presumpserint in futuro, sicut eas per sacras
divorum augustorum predecessorum nostrorum leges
prohibitas non ambigitur et cassatas, illis confederationibus et
ligis dumtaxat exceptis, quas principes et civitates ac
alii super generali pace provinciarum atque terrarum
inter se firmasse noscuntur; illas enim nostre declarationis
specialiter reservantes in suo decernimus vigore manere,
donec de hiis aliud duxerimus ordinandum. Et personam
singularem, que de cetero contra tenorem presentis
constitutionis nostre et legis antique super hoc edite confe-
<< prev. page << föreg. sida << >> nästa sida >> next page >>
