Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
fides. Quisquis secus quempiam diffidare et invadere modo
premisso presumpserit, infamiam eo ipso incurrat, ac si
nulla diffidatio facta esset, quem eciam tanquam
proditorem per quoscunque judices penis legalibus statuimus
castigari.
2. Prohibemus eciam et dampnamus universas et
singulas guerras et lites injustas, cuncta quoque injusta
incendia, spolia et rapinas, indebita et inconsueta tholonea
et conductus et exactiones pro ipsis conductibus
extorqueri consuetas, sub penis, quibus sacre leges premissa et
eorum quodlibet sancciunt punienda.
XVIII. Liter a intimationis. — Vobis illustri et
magnifico principi, domino marchioni Brandemburgensi sacri
imperii archicamerario, coelectori et amico nostro
carissimo, electionem Romanorum regis, que ex rationabilibus
causis imminet facienda, presentibus intimamus vosque ex
officio nostro debito ad electionem prefatam rite vocamus,
quatenus a die tali etc. infra tres menses continuo
computandos per vos seu nuncios aut procuratores vestros
unum vel plures sufficiens mandatum habentes ad locum
debitum juxta formam sacrarum legum super hoc editarum
venire curetis, deliberaturi, tractaturi et concordaturi cum
aliis principibus coelectoribus vestris et nostris de
electione futuri regis Romanorum in imperatorem postmodum
favente Domino promovendi, in eodem mansuri usque ad
plenam consummationem electionis hujusmodi et alias
facturi et processuri, prout in sacris legibus super hoc
deliberate editis invenitur expressum; alias, non obstante vestra
seu vestrorum absentia, in premissis una cum aliis
conprin-cipibus et coelectoribus nostris, prout legum ipsarum
sanc-civit auctoritas, finaliter procedemus.
XIX. Forma procuratorii mittendi per eum principem
electorem, qui nuncios suos ad electionem faciendam duxerit
destinandos. — Nos . . . talis Dei gracia etc. sacri imperii
etc. notum facimus tenore presentium universis, quod,
cum electio Romanorum regis ex rationabilibus causis
imminet facienda, nos de honore et statu sacri imperii soli-
<< prev. page << föreg. sida << >> nästa sida >> next page >>
