Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
5. Jurabunt etiam, quod ab illis de sua senescallia
nec ab aliis, qui causam habeant coram ipsis, vel scient
in proximo habituros, mutuum non recipient per se vel
per alios ultra summam viginti librarum, quas reddent a
die conventi mutui infra decem menses, licet etiam
creditor velit solutionis terminum prorogare.
6. Addetur etiam’ juramento ipsorum, quod nihil
dabunt vel mittent alicui de nostro consilio vel uxoribus
eorundem, liberis aut aliis domesticis, vel illis, qui
compotum eorum recipient, atque illis, quos ad visitandum
terram vel facta eorum inquirenda mittemus.
7. Quod etiam in venditionibus bailliarum vel
nostrorum reddituum partem non habebunt, nec etiam in
moneta vel navibus, que a mercatoribus aut a peregrinis
conducuntur.
8. Quod etiam baillivos infideles, injuriosos aut
improbos, exactores vel de usura suspectos, aut turpem vitam
aperte ducentes, in suo non sustinebunt errore, imo eorum
excessus corrigent bona fide.
9. Jurabunt etiam judices et locorum vicarii
singulorum, quod nec ipsis senescallis vel eorum domesticis aut
propinquis quidquara dabunt, et in fine juramenti
concludent se universa et singula supradicta servare, nec
quidquam per se vel per alios in fraudem facere predictorum.
10. Vicarios autem, quos senescalli quandoque pro
se substituunt, nolumus ab ipsis institui, nisi prius sub
forma predicta prestiterint juramentum.
11. Ut vero hec [per] officiales juramenta firmius
observentur, volumus, quod in publica assisia fiant, coram
clericis et laicis, ab omnibus et singulis supradictis, etiam
si antea facta fuerint coram nobis, ut non solum metu
divine indignationis et nostre, sed etiam confusionis et
erubescentie apud homines perjurium manifestum
incurrere vereantur.
12. Volumus autem et precipimus, quod senescalli
nostri predicti, et alii quicumque sub ipsis tenentes
officia, necnon et omnes, qui in dictis duabus bailliviis vadia
<< prev. page << föreg. sida << >> nästa sida >> next page >>
