Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Usuras autem intelligimus quidquid est ultra sortem. Istud
autem statutum factum Meleduni volumus quod senescalli
nostri observent et faciant observari, tam in terra nostra
quam in terra nostrorum baronum vel aliorum, si
defecerint, postquam sufficienter fuerint requisiti.
34. Expellantur autem publice meretrices tam de
campis quam de villis, et factis monitionibus seu
prohibitionibus bona earum per locorum judices capiantur vel
eorum auctoritate a quolibet occupetur, etiam usque ad
tunicam vel ad pellicium. Qui vero domum publice
meretrici locaverit scienter, volumus, quod ipsa domus incidat
domino, a quo tenebitur in commissum.
35. Preterea prohibemus districte, ut nullus homo
ludat ad taxillos sive aleis aut scaccis, scholas autem
deciorum prohibemus et prohiberi volumus omnino, et
tenentes eas districtius puniantur. Fabrica etiam
deciorum prohibetur.
36. Nullus preterea recipiatur ad moram in tabernis
faciendam, nisi sit transiens vel viator, vel in ipsa villa
non habeat aliquam mansionem.
37. Inhibemus autem, ne aliquis in terra nostra
capiat aliquem equum contra voluntatem ejus, cujus equus
erit, nisi sit pro proprio negotio nostro. Et tunc per
senescallos nostros aut alios inferiores officiales vel eos,
qui loco ipsorum erunt, et de equis conductitiis capiatur,
et si equi conductitii sufficere nequeant pro nostro
ser-vicio faciendo, senescalli vel alii inferiores officiales non
capiant equos mercatorum, transeuntium vel pauperum,
sed divitum tantum, si sufficere possint ad nostrum
proprium servicium faciendum.
38. Inhibemus etiam, ne pro servicio nostro vel alio
capiantur equi personarum ecclesiasticarum, nisi de nostro
speciali mandato, nec capiant senescalli aut alii predicti
equos plus quam fuerit nobis opus, illos etiam, quos ceperint,
pro pecunia non relaxent. Hec etiam, que de equis
capiendis diximus, volumus observari, quamdiu nobis placuerit,
salvis serviciis nostris debitis et juribus nostris et alienis.
<< prev. page << föreg. sida << >> nästa sida >> next page >>
