Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
vis regni ejusdem incolis irrogatis et habitis contra eos, qui
processu temporis explicari poterunt, taceamus ad
praesens; qualiter in praemissis et aliis libertas ecclesiastica
et immunitas tuis sunt enervatae temporibus, qualiter tu
a sacris et piis, providis et maturis progenitorum tuorum
vestigiis, quae per universa mundi climata enitebant
radios clarissimos, degenerare noscaris, nempe multorum
ad nos insinuatio clamosa perducit, ac nedum in regno
ipso, sed in diversis mundi partibus innotescit. Et
ecclesiae dicti regni, quae solebant hactenus libertatibus et
quiete vigere, nunc factae sunt sub tributo, sicut
luctuosus clamor earum sub intolerabili persecutione testatur.
Nec ignoras, quod super iis et consimilibus de te ad
Deum, nec non ad te saepius, nedum saepe, clamavimus
et exaltavimus vocem nostram, annuntiavimus scelera,
delicta deteximus, sperantes te ad poenitentiam
salubriter revocare, et adeo desudavimus declamando, quod
raucae factae sunt fauces nostrae; sed tu, velut aspis
surda, obturasti aures tuas, et nostra salubria monita
non audisti, nec recepisti ea velut medicamenta curantis.
Verum, licet ex praemissis contra te sumere arma,
pharetram atque arcum non indigne nec injuste possemus,
ut te a tanto revocaremus invio, ad semitam reducendo
salutis, adhuc nihilominus, dum filialiter metuas, haec tibi
praesignificare decrevimus, ut saniori ductus consilio a
facie arcus inflexibilis sententiae potius, immo prorsus,
effugias, quam exspectes debitae judicium ultionis, cum
tutius dignoscatur ante casum occurrere quam remedium
quaerere post ruinam.
Cum autem nos debitum pastoralis officii urgeat, et
publicae utilitatis intersit, ut qui nec Deum timent nec
deferunt ecclesiae neque censuram canonum reverentur,
et quasi descendentes in profundum malorum contendunt,
quamvis eis displiceat, ad salutem etiam trahamus
invitos, nos nolentes, ne ex dissimulatione tam longa nos tua
culpa reddat obnoxios, ne, si nos vel te (quod absit)
in-correptum Deus de hac vita subtraheret, anima tua de
<< prev. page << föreg. sida << >> nästa sida >> next page >>
