Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
per ea nequeat se tueri, quominus includatur in eis, ex
eo quod ad sedem apostolicam venientes et redeuntes ab
ea fecit, mandavit, ordinavit et statuit multipliciter
impediri, et specialiter nonnullos ecclesiarum praelatos et
personas ecclesiasticas regni sui ad nostram praesentiam
venire prohibuit sub gravibus poenis et bannis, quos pro
reformatione dicti regni, utilitate populi, augmento
catholicae fidei, conservatione ecclesiasticae libertatis,
correctione dictorum excessuum, subsidio Terrae Sanctae, et
ex aliis rationabilibus causis moti, feceramus ad nostram
praesentiam evocari, sicut pene totus orbis ad eandem
sedem et beatorum Petri et Pauli apostolorum limina
confluens affirmavit, et nonnulli archiepiscopi et episcopi
regni praefati haec et iis similia per suas nobis litteras
intimarunt et per procuratores suos ad eorum
excusationem proponi fecerunt, quasi ex hoc legitimam causam
haberent non comparendi in praefixo eis termino coram
nobis, quamvis nonnulli archiepiscopi et episcopi et aliae
personae ecclesiasticae propter hoc comparere non
ob-miserint coram nobis quasi oboedientiae filii et zelo
devotionis accensi ad nos et dictam ecclesiam matrem suam;
quas quidem excusationes, per procuratores ipsos
propositas, tanquam frivolas non admisimus, sed repulimus
publice ac repellimus, ut debemus. Unde ipsum regem sic
ligatum a communione fidelium et sacramentorum
perceptione nuntiamus exclusum et per te vel alium seu alios
praecipimus nuntiari. Nam cui Romanus pontifex,
vicarius Jesu Christi Petrique successor, non communicat,
nullus communicare debet aut ei sacramenta ecclesiastica
ministrare. Eos vero, cujuscunque fuerint praeeminentiae,
dignitatis, ordinis, conditionis aut status, etiam si in
archi-episcopali vel episcopali dignitate praefulgeant, qui
ejusmodi sacramenta vel ipsorum aliqua dicto regi ligato
taliter ministrare praesumpserint aut coram eo missam
celebrare publice vel private, excommunicationis sententia
innodamus, ipsisque interdicimus lectionis, praedicationis,
administrationis sacramentorum, audiendi confessiones offi-
<< prev. page << föreg. sida << >> nästa sida >> next page >>
