Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
et corporum, et per consequens sciencie, plenioresque tam
intellectuales quam morales virtutes.
40. Que reformatio status propter hos fines taliter
devotissime postuletur, videlicet quod summus pontifex,
qui circa maximam spiritualium curam plurimum est
oneratus et occupatus, ita quod sine spiritualium prejudicio
regimini suorum temporalium sufficienter vacare non posse
creditur, inspectis, que super fructibus, proventibus et
exitibus, impensis deductis et oneribus solitis, ad ipsum
pervenire sibique remanere consueverunt, alicui magno regi
seu principi, vel aliquibus, tradantur [tradat ea] in
perpetuam amphiteosim, receptis optimis cautionibus, que
cogitari poterunt, super annua pensione perpetuo libere,
quacunque subtractione cessante, solvenda in quocunque
loco patrimonii sic traditi, quem dominus papa futurus
pro tempore duxerit eligendum. Sic papa, qui totius
pacis actor et promotor debet esse, guerras non movebit;
homines non faciet in bellis subito dira morte mori; sic
perfecte vacabit orationibus, eleemosinis, contemplationi,
lectioni et doctrine scripturarum, correctionibus
subditorum, justiciam et judicium singulis catholicis faciendo
fierique curando, veram pacem omnibus Christi fidelibus
procurando; taliter, quod pacifice viventes inter se
Crucifixi patrimonium recuperare veraciter studeant et
servare. Sic sanctissimus papa thesauros non studebit
aggregare, nec a spiritualium sollicitudine debita retrahetur;
vitam ducet contemplativam et activam, favente
misericorditer bonorum omnium largitore.
41. Item petatur, quod dominus papa, consideratis
redditibus cardinalium singulisque proventibus, qui sine
mala presumptione, scandalo et infamia possunt ad eos
pervenire, statuat eis, quod commode poterit facere, loco
victus juxta statuum suorum conditiones super patrimonio
beati Petri; quod si non sufficiat, retenta domino pape
sufficienda competenti de bonis universalis ecclesie,
pre-sertim exemptorum et prelatorum, qui a sede apostolica
suas recipiunt consecrationes et benedictiones, quibus in
<< prev. page << föreg. sida << >> nästa sida >> next page >>
