Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
19. Et vult dominus rex, quod, ex quo vicecomites
susceperint summonitiones justitiarum errantium, ut ipsi
cum comitatibus suis sint ante illos, ipsi congregabunt
comitatus suos et inquirent omnes, qui de novo venerint in
suos comitatus post hanc assisam; et illos mittent per
ple-gios, quod erunt coram justitias, vel illos custodient, donec
justitiae ad eos venerint, et tunc habebunt coram justitias.
20. Prohibet etiam dominus rex, ne monachi vel
canonici vel aliqua domus religionum recipiat aliquem de
populo minuto in monachum vel canonicum vel fratrem,
donec sciatur, de quali testimonio ipse fuerit, nisi ipse
fuerit infirmus ad mortem.
21. Prohibet etiam dominus rex, quod nullus in
tota Anglia receptet in terra sua vel soca sua vel domo
sub se aliquem de secta illorum renegatorum, qui
ex-communicati et signati fuerunt apud Oxeneforde. Et si
quis eos receperit, ipse erit in misericordia domini regis;
et domus, in qua illi fuerint, portetur extra villam et
comburatur. Et hoc jurabit unusquisque vicecomes, quod
hoc tenebit, et hoc jurare faciet omnes ministros suos
et dapiferos baronum et omnes milites et francotenentes
de comitatibus.
22. Et vult dominus rex, quod haec assisa teneatur
in regno suo, quamdiu ei placuerit.
VI. Henrik ii. — Assisa de armis habendis in
Anglia. — 1181.
1. Quicunque habet feodum unius militis, habeat
loricam et cassidem, clypeum et lanceam; et omnis miles
habeat tot loricas et cassides et clypeos et lanceas, quot
habuerit feoda militum in dominico suo.
2. Quicunque vero liber laicus habuerit in catallo
vel in redditu ad valentiam de xvi marcis, habeat
loricam et cassidem et clypeum et lanceam; quicunque vero
liber laicus habuerit in catallo vel redditu x marcas,
habeat aubergel et capellet ferri et lanceam.
<< prev. page << föreg. sida << >> nästa sida >> next page >>
