Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
3. Item omnes burgenses et tota communa
liberorum hominum habeant wambais et capellet ferri et
lanceam.
4. Unusquisque autem illorum juret, quod infra
festum sancti Hilarii haec arma habebit et domino regi
Henrico, scilicet filio Matildis imperatricis, fidem portabit
et haec arma in suo servitio tenebit secundum
praeceptum suum et ad fidem domini regis et regni sui. Et
nullus, ex quo arma haec habuerit, ea vendat nec
in-vadiet nec praestet nec aliquo alio modo a se alienet;
nec dominus suus ea aliquo modo ab homine suo alienet,
nec per forisfactum nec per donum nec per vadium nec
aliquo alio modo.
5. Si quis haec arma habens obierit, arma sua
remaneant heredi suo. Si vero heres de tali aetate non
sit, quod armis uti possit, si opus fuerit, ille, qui eum
habebit in custodia, habeat similiter custodiam armorum
et hominem inveniat, qui armis uti possit in servitio
domini regis, donec heres de tali aetate sit, quod arma
portare possit, et tunc habeat.
6. Quicunque burgensis plura arma habuerit, quam
habere oportuerit secundum” hanc assisam, ea vendat vel
det vel sic a se alienet tali homini, qui ea in servitio
domini regis Angliae retineat. Et nullus eorum plura
arma retineat, quam eum secundum hanc assisam habere
oportuerit.
7. Item nullus Judaeus loricam vel aubergellum
penes se retineat, sed ea vendat vel det vel alio modo
a se removeat, [ita quod remaneant] in servitio regis.
8. Item nullus portet arma extra Angliam nisi per
praeceptum domini regis; nec aliquis vendat arma alicui,
qui ea portet ab Anglia.
9. Item justitiae faciant jurare per legales milites
vel alios liberos et legales homines de hundredis et de
burgis, quot viderint expedire, qui habebunt valentiam
catalli, secundum quod eum habere oportuerit loricam et
galeam et lanceam et clypeum, secundum quod dictum
<< prev. page << föreg. sida << >> nästa sida >> next page >>
