Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
que fuerant forte presumpte a tempore subor te discordi e
inter regnum et sacerdotium, apostolica denuntiantes
auctoritate cassatas et per excommunicationis sententiam
inhibentes, ne talia de cetero presumerentur a quoquam,
magnates et nobiles Anglie monendo prudenter et eis
efficaciter injungendo, ut per manifesta devotionis et
humilitatis inditia ipsum regem sibi placare studerent, ac deinde,
si quid ab eo ducerent postulandum, non insolenter sed
humiliter implorarent, regalem ei conservantes honorem
et exhibentes servitia consueta, que ipsi et predecessores
eorum sibi et suis predecessoribus impenderunt, cum ab
eis ipse rex non deberet absque juditio spoliari, ut sic
quod intenderent possent facilius obtinere. Nos enim
eundem regem per litteras nostras rogavimus et
monuimus, et per prelatos archiepiscopum et episcopos
nichilo-minus rogari et moneri mandavimus, in remissionem sibi
peccaminum injungentes, quatinus predictos magnates et
nobiles benigne tractaret et justas petitiones eorum
clementer admitteret, ut et ipsi congaudendo cognoscerent
eum in meliorem statum divina gratia esse mutatum, ac per
hoc ipsi et heredes eorum sibi et heredibus suis deberent
promptius et devotius famulari, plena eis in veniendo,
morando et recedendo securitate concessa; ita quod, si
forte nequiret inter eos concordia provenire, in curia sua
per partes eorum secundum legem et consuetudines regni
suborta dissensio sopiretur. Verum, antequam nuntii cum
hoc provido et justo mandato rediissent, illi, juramento
fidelitatis omnino contempto, cum, et si rex eos injuste
gravasset, ipsi tamen non debuissent sic agere contra
eum, ut in causa sua iidem judices et exequutores
exi-sterent, vassali contra dominum et milites contra regem
publice conjurantes, non solum cum aliis sed cum
ejusdem manifestissimis inimicis, presumpserunt contra eum
arma movere, occupantes et devastantes terras ipsius, ita
quod civitatem quoque Londoniensem, que sedes est regni,
proditorie sibi traditam invaserunt. Interim autem,
pre-fatis nuntiis revertentibus, rex obtulit eis secundam for-
<< prev. page << föreg. sida << >> nästa sida >> next page >>
