Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
2) Henrik iii. — 1261.
Kex vicecomiti Norfolchiae et Suffolchiae, salutem.
Cum ex parte episcopi Wigornensis, comitum Leycestriae
et Gloucestriae et quorundam aliorum procerum regni
nostri vocati sint tres milites de singulis comitatibus
nostris, quod sint coram ipsis apud Sanctum Albanum in
instanti festo sancti Matthaei apostoli, secum tractaturi
super communibus negotiis regni nostri, et nos et praedicti
proceres nostri in eundem diem apud Windesoram
convenerimus ad tractandum de pace inter nos et ipsos, tibi
praecipimus, quod illis militibus de ballia tua, qui vocati
sunt coram eis ad diem praedictum, firmiter injungas ex
parte nostra, ut, omni occasione postposita, ad nos die
praedicto veniant apud Windesoram, et eis etiam districte
inhibeas, ne dicto die alibi quam ad nos accedant, sed
eos modis omnibus venire facias coram nobis ad diem
praedictum, nobiscum super praemissis colloquium
habituros, ut ipsi per effectum operis videant et intelligant,
quod nihil attemptare proposuimus, nisi quod honori et
communi utilitati regni nostri noverimus convenire. Teste
rege apud Windesoram, xi die septembris.
3) Henrik iii (Simon af Montfort). — 1264.
Rex Adae de Novo Mercato, salutem. Cum jam,
sedata turbatione nuper habita in regno nostro, pax
inter nos et barones nostros, divina cooperante gratia,
ordinata sit et firmata; ac ad pacem illam per totum
regnum nostrum inviolabiliter observandam, de consilio et
assensu baronum nostrorum provisum sit, quod in
singulis comitatibus nostris per Angliam, ad tuitionem et
securitatem partium illarum, custodes pacis nostrae
constituantur, donec per nos et barones nostros de statu regni
nostri aliter fuerit ordinatum; cumque nos, de vestra
fidelitate simul et industria fiduciam gerentes, vos de
consilio dictorum baronum nostrorum custodem nostrum
assignaverimus in comitatu Lincolniae, quamdiu nobis
placuerit; vobis mandamus, in fide, qua nobis tenemini,
firmiter injungentes, quatenus custodiae pacis nostrae ibi-
<< prev. page << föreg. sida << >> nästa sida >> next page >>
