Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
XII. Engelska ständernas protest mot påfvens
anspråk på länshöghet öfver Skotland. — Llneoln, 12 febr. 1301.
Sanctissimo in Christo patri, domino Bonifacio,
divina providentia sanctae Romanae ecclesiae summo
pontifici, sui devoti filii .... (namn: 7 comites, 94 domini, 1
castellanus, 1 baro och 1 utan titel) devota pedum oscula
beatorum.
Sancta Romana mater ecclesia, per cujus ministerium
fides catholica gubernatur, in suis actibus cum ea, sicut
firmiter credimus et tenemus, maturitate procedit, quod
nulli prejudicare, sed singulorum jura, non minus in aliis
quam in se ipsa, tanquam mater alma, conservari velit
illaesa. Sane, convocato nuper per serenissimum dominum
nostrum Edwardum, Dei gratia regem Angliae illustrem,
parliamento apud Lincolniam generali, idem dominus
noster quasdam literas apostolicas, quas super certis
negotiis, conditionem et statum regni Scotiae tangentibus, ex
parte vestra receperat, in medio exhiberi et seriose fecit
nobis exponi. Quibus auditis et diligentius intellectis, tam
nostris sensibus admiranda quam hactenus inaudita in
eisdem audivimus contineri. Scimus enim, pater
sanctissime, et notorium est in partibus Angliae, et nonnullis
aliis non ignotum, quod, a prima institutione regni
Angliae reges ejusdem regni, tam temporibus Britonum quam
Anglorum, superius et directum dominium regni Scotiae
habuerunt, et in possessione vel quasi superioritatis et
directi dominii ipsius regni Scotiae successivis temporibus
exstiterunt; nec ullis temporibus ipsum regnum in
temporalibus pertinuit vel pertinet quovis jure ad ecclesiam
supra-dictam; quinimo idem regnum Scotiae progenitoribus
praedicti domini nostri regibus Angliae atque sibi feodale
exstitit ab antiquo. Nec etiam reges Scotorum et regnum
aliis quam regibus Angliae subfuerunt vel subjici
consueverunt. Neque reges Angliae super juribus suis in regno
praedicto aut aliis suis temporalibus coram aliquo judice
<< prev. page << föreg. sida << >> nästa sida >> next page >>
