Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
ecclesiastico vel saeculari, ex libera praeeminentia status
suae regiae dignitatis et consuetudinis, cunctis temporibus
irrefragabiliter observatae, responderunt aut respondere
debebant. Unde, habito tractatu et deliberatione diligenti
super contentis in vestris litteris memoratis, communis,
concors et unanimis omnium et singulorum consensus fuit»
est ac erit inconcusse, Deo propitio, in futurum: quod
praefatus dominus noster rex super juribus regni sui
Scotiae aut aliis suis temporalibus nullatenus judicialiter
respondeat coram vobis, nec judicium subeat quoquomodo,
aut jura sua praedicta in dubium quaestionis deducat, nec
ad praesentiam vestram procuratores aut nuntios ad hoc
mittat; praecipue cum praemissa cederent manifeste in
exheredationem juris coronae regni Angliae et regiae
dignitatis, ac subversionem status ejusdem regni
notoriam, necnon in praejudicium libertatum, consuetudinum
et legum paternarum, ad quarum observationem et
defensionem ex debito praestiti juramenti adstringimur, et quae
manutenebimus toto posse totisque viribus cum Dei
auxilio defendemus. Nec etiam permittimus, aut aliquatenus
permittemus, sicut nec possumus nec debemus, praemissa
tam insolita, indebita, praejudiciabilia et alias inaudita,
praelibatum dominum nostrum regem, etiamsi vellet,
facere seu quomodolibet attemptare. Quocirca sanctitati
vestrae reverenter et humiliter supplicamus, quatenus
eundem dominum nostrum regem, qui inter alios
principes orbis terrae catholicum se exhibet et ecclesiae
Romanae devotum, jura sua, libertates, consuetudines et
leges praedicta absque diminutione et inquietudine pacifice
possidere, et ea illibata percipere benignius permittatis.
In cujus rei testimonium sigilla nostra, tam pro
nobis quam pro tota communitate praedicti regni Angliae,
praesentibus sunt appensa.
Datae apud Lincolniam, xn die februarii, anno
Domini MCCC.
<< prev. page << föreg. sida << >> nästa sida >> next page >>
