Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
tionabiles sumptus et expensas suas hujusmodi baronibus
habere faceret de communitate portus illius, a primo die,
quo versus parliamentum venerint, usque ad diem, quo ad
propria redierint, facta etiam expressa mentione in brevi
illo de mora, quam fecerint ad parliamentum, de die, quo
venerint, et quo licentiati fuerint redeundi; et solebat
mentio fieri aliquando in brevi, quantum hujusmodi
barones capere debent de communitatibus illis per diem,
scilicet aliqui plus, aliqui minus, secundum personarum
habilitates, honestates et respectus, nec solebat poni per
duos barones per diem ultra viginti solidos, habito
respectu ad illorum moras, labores et expensas, nec solent
hujusmodi expensae in certo reponi per curiam pro
quibuscumque personis sic electis et missis pro
communitatibus, nisi personae ipsae fuerint honeste et bene se
habentes in parliamento.
De militibus. — Item, rex solebat mittere brevia
sua omnibus vicecomitibus Angliae, quod eligi facerent,
quilibet de suo comitatu, per ipsum comitatum duos
milites idoneos et honestos et peritos ad veniendum ad
parliamentum suum eodem modo, quo dictum est de
baronibus portuum, et de warantis suis eodem modo; sed
pro ,expensis duorum militum de uno comitatu non solet
poni ultra unam marcam per diem.
De civibus. — Eodem modo solebat mandari
majori et vicecomitibus Londoniarum, et majori et ballivis
vel majori et civibus Eboraci et aliarum civitatum, quod
ipsi pro communitate civitatis suae eligerent duos idoneos,
honestos et peritos cives ad veniendum et interessendum
ad parliamentum eodem modo, quo dictum est de baronibus
Quinque Portuum et militibus comitatuum; et solebant
cives esse pares et aequales cum militibus comitatuum in
expensis veniendo, morando et redeundo.
De burgensibus. — Item, eodem modo solebat et
debet mandari ballivis et probis hominibus burgorum, quod
ipsi ex se et pro se eligant duos idoneos, honestos et
peritos burgenses ad veniendum et interessendum ad par-
<< prev. page << föreg. sida << >> nästa sida >> next page >>
