Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
siderationem omnium parium regni sui, vel si per guerram
rex et regnum tribulentur, vel si casus difficilis coram
cancellario Angliae emergat, seu judicium difficile coram
justiciariis fuerit reddendum, et hujusmodi, et si forte in
hujusmodi deliberationibus omnes vel saltem major pars
concordare non valeant, tunc comes senescallus, comes
constabularius, comes marescallus, vel duo eorum eligent
viginti quinque personas de omnibus paribus regni*scilicet
duos episcopos et tres procuratores, pro toto clero, — duos
comites et tres barones, quinque milites comitatuum,
quinque cives et burgenses; — qui faciunt viginti quinque; et
illi viginti quinque possunt eligere ex se ipsis duodecim et
condescendere in eis, et ipsi duodecim sex et
condescendere in eis, et ipsi sex adhuc tres et condescendere in eis,
et illi tres in paucioribus condescendere non possunt, nisi
optenta licentia a domino rege, et si rex consentiat, illi
tres possunt in duos, et de illis duobus alter potest in
alium descendere; et ita demum stabit sua ordinatio supra
totum parliamentum; et ita condescendendo a viginti
quinque personis usque ad unam personam solam, nisi
numerus major concordare valeat et ordinare, tandem sola
persona, ut est dictum, pro omnibus ordinabit, quae cum
se ipsa discordare non potest; salvo domino regi et ejus
consilio, quod ipsi hujusmodi ordinationes, postquam
scriptae fuerint, examinare et emendare valeant, si hoc facere
sciant et velint, ita quod hoc ibidem tunc fiat in pleno
parliamento, et de consensu parliamenti, et non retro
parliamentum.
De negotiis parliamenti. — Negotia, pro quibus
parliamentum summonitum est, debent deliberari secundum
kalendarium parliamenti, et secundum ordinem petitionum
liberatarum et affilatarum, nullo habito respectu ad
quorumcumque personas, sed qui prius proposuit, prius agat.
In kalendario parliamenti rememorari debent omnia
negotia parliamenti sub isto ordine: primo de guerra, si
gu-erra sit, et de aliis negotiis personas regis, reginae et
suorum liberorum tangentibus; secundo de negotiis com-
<< prev. page << föreg. sida << >> nästa sida >> next page >>
