Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
scriptis cuilibet gradui parium parliamenti liberari, et in
scriptis responderi; et sciendum est, quod, si hujusmodi
auxilia concedenda sunt, oportet, quod omnes pares
parliamenti consentiant, et intelligendum est, quod duo milites,
qui veniunt ad parliamentum pro comitatu, majorem
vocem habent in parliamento in concedendo et contradicendo,
quam major comes Angliae, et eodem modo procuratores
cleri unius episcopatus majorem vocem habent in
parliamento, si omnes sint concordes, quam episcopus ipse, et
hoc in omibus, quae per parliamentum concedi, negari vel
fieri debent: et [ex] hoc patet, quod rex potest tenere
parliamentum cum communitate regni sui, absque episcopis,
comitibus et baronibus, dumtamen summoniti sunt ad
parliamentum, licet nullus episcopus, comes vel baro ad
summonitiones suas veniant; quia olim nec fuerat
episcopus nec comes nec baro, adhuc tunc reges tenuerunt
parliamenta sua; sed aliter est econtra, licet
communitates — cleri et laici — summonitae essent ad
parliamentum, sicut de jure debent, et propter aliquas causas venire
nollent, ut si praetenderent, quod dominus rex non
regeret eos sicuti deberet, et assignarent specialiter, in quibus
eos non rexerat, tunc parliamentum nullum esset omnino,
licet archiepiscopi, episcopi, comites et barones et omnes
eorum pares cum rege interessent: et ideo oportet, quod
omnia, quae affirmari vel infirmari, concedi vel negari vel
fieri debent per parliamentum, per communitatem
parliamenti concedi debent, quae est ex tribus gradibus sive
generibus parliamenti, scilicet ex procuratoribus cleri,
militibus comitatuum, civibus et burgensibus, qui
repraesentant totam communitatem Angliae, et non de
magnatibus, quia quilibet eorum est pro sua propria persona ad
parliamentum et pro nulla alia.
De partitione parliamenti. — Parliamentum
de-partiri non debet, dummodo aliqua petitio pendeat
indi-scussa, vel, ad minus, ad quam non sit determinata
responsio, et si rex contrarium permittat, perjurus est;
nullus solus de paribus parliamenti recedere potest nec
<< prev. page << föreg. sida << >> nästa sida >> next page >>
