Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
mino: Petre, amas me? pasce oues meas. Qui eciam inter
omnes apostolos principatus nomen optinuit et de fratrum
confirmacione singulare a Domino preceptum accepit, vt
in hoc peculiariter posteritati daretur intelligi, quod,
quam-uis multos ad regimen ecclesie contingeret ordinari, vnus
tamen solummodo suppreme dignitatis locum fastigiumque
teneret et in omnibus potestate iudicandi et gubernandi
honore presideret. Unde et secundum hanc formam in
ecclesia distinctio seruata est dignitatum, et sicut in
humano corpore pro varietate officiorum diuersa ordinata
sunt membra, ita in structura ecclesie ad diuersa
ministeria exhibenda diuerse persone in diuersis sunt ordinibus
constitute; aliis enim ad singularum ecclesiarum, aliis
autem ad singularium urbium disposicionem ac regimen
ordinatis, constituti sunt in singulis provinciis alii, quorum
prima inter fratres sentencia habeatur, et ad quorum
examen subiectarum personarum questiones et negocia
referantur. Super omnes autem Romanus pontifex, tanquam
Noe in archa, primum locum noscitur optinere, qui ex
collato sibi desuper in apostolorum principe priuilegio de
vniuersorum causis iudicat ac disponit et per vniuersum
orbem ecclesie filios in christiane fidei firmitate non
desinit confirmare, talem se curans iugiter exhibere, qui
vocem dominicam mereatur audire, qua dicitur: Et tu
aliquando conuersus confirma fratres tuos. Hoc nimirum
con-sideracionis intuitu prouocati, et tibi, frater in Christo
karissime, cum ad nostram presenciam accessisses, iuxta
quod a predecessoribus nostris ab anteactis temporibus
dispositum fuerat ac statutum, sed nondum execucione
operis adimpletum, precibus et interuentu karissimi filii
nostri Caroli, illustris regis Sweorura et Gothorum,
episcoporum quoque et Vlfy, ducis regni illius, pallium,
pontificalis scilicet officii plenitudinem, duximus indulgendum,
et ne de cetero prouincie Swecie metropolitani possit cura
deesse, commissam gubernacioni tue Vpsaliam, urbem
eiusdem prouincie, perpetuam metropolim ordinauimus et
Sca-rensem, Lincopensem, Strengenensem et Arusiensem epi-
<< prev. page << föreg. sida << >> nästa sida >> next page >>
