Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
sed etiam aliarum, ut prepositos uel decanos aut alios
uiros idoneos ad concilium pro se mittant, cum nonnulla
sint in ipso tractanda, que specialiter ad ecclesiarum
capitula pertinebunt. Interim uero et per uos ipsos et per
alios uiros prudentes uniuersa subtiliter inquiratis, que
correctionis aut reformationis studio indigere uidentur et
ea, fideliter conscribentes, ad sacri concilii perferatis
examen, circa subuentionem necessariam Terre Sancte, ubi
Deus rex noster ante secula salutem in medio terre
dignatus est operari, opem et operam efficaciter impensuri,
assistendo fideliter et prudenter hiis, quos deputauerimus
ad hoc negotium specialiter procurandum. Nullus itaqoe
se fallaciter excusando ab executione tam sancti operis
subtrahat, si canonicam uult effugere ultionem. Nemo
dissentionum obstacula uel itinerum impedimenta causetur,
que, Domino faciente signum in bonis, ex magna iam
parte cessare ceperunt. Nam et quanto iminent maiora
pericula, tanto potiora remedia conuenit adhiberi.
Num-quam enim nauigabit per equora, qui semper expectat,
ut mare non concitet ex se fluctus. Datum Laterani,
xm kal. maii, pontificatus nostri anno sextodecimo.
b) Till konungen af Sverige.
Innocentius etc., carissimo in Christo filio . . . regi
Svetie illustri, salutem etc. Vineam Domini Sabaoth
— — — efficatius promouendum [= föreg.]. Cum ergo
deceat et expediat, ut tua regalis sublimitas ad sinodum
tam solemnem nuntios dirigat speciales, serenitatem tuam
monemus et hortamur attentius, quatenus prescripto
termino, vita comite, viros idoneos dirigere non postponas,
per quos tue nobis aperias beneplacitum voluntatis, quia,
quantum cum honestate poterimus, ad tuum libenter et
efficaciter intendemus commodum et honorem. Datum
Laterani, xiii kal. maii, pontificatus nostri anno sexto
decimo.
<< prev. page << föreg. sida << >> nästa sida >> next page >>
