Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
IX. Innocentius iii. — Sverige under påfligt
skydd. — Rom, 4 appil 1216.
Innocentius episcopus, seruus seruorum Dei,
carissimo in Christo filio Erico, illustri regi Suetie, salutem
et apostolicam benedictionem. Cum regalis sublimitas,
auctoritatem apostolice sedis, que disponente Domino
cunctorum fidelium mater est et magistra, provide
recognoscens, ipsius gratie favorem reuerenter expostulat
et ad supplicandum illi humiliter se inclinat, dignum est,
ut, quod rationabiliter petitur, liberaliter concedatur. Hinc
est, quod, cum venerabilis frater noster Vpsallensis
archi-episcopus, astantibus sibi omnibus suffraganeis, ac
optimatibus regni Suetie presentibus et annuentibus, uncxerit
te in regem, sicut eius et aliorum quamplurium littere
nobis exhibite declararunt, nos, deuotionis regie precibus
benignius exauditis, quod circa te per eundem
archiepi-scopum rite ac prouide factum est, gratum habentes et
ratum, personam tuam et regnum sub beati Petri et nostra
protectione suscipimus, ipsumque regnum ac terram, quam
clare memorie predecessores tui a paganorum manibus
extorserunt, quamque tu ab eisdem diuino fauente auxilio
poteris obtinere, auctoritate tibi apostolica confirmamus
et presentis scripti patrocinio communimus; nichilominus
auctoritate presentium concedentes, ut in eadem terra
unus aut duo episcopi, prout ad diuini nominis cultum et
animarum salutem uidebitur expedire, creentur, qui
Vp-sallensi ecclesie iure metropolitico sint subiecti. Nulli
ergo omnino hominum liceat hanc paginam nostre
protectionis, confirmationis et concessionis infringere uel ei
ausu temerario contraire. Si quis autem hoc attemptare
presumpserit, indignationem omnipotentis Dei et beatorum
Petri et Pauli apostolorum eius se noverit incursurum.
Datum Laterani, n nonas aprilis, pontificatus nostri anno
nono decimo.
<< prev. page << föreg. sida << >> nästa sida >> next page >>
