Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
personaliter accedens, dicti uero capitulum, per certos eorum
procuratores et nuncios ydoneos ad eandem sedem
propter hoc specialiter destinatos, huiusmodi electionis de se
facte negocium in consistorio coram nobis proponi
fecerunt. Ac nos negocium ipsum venerabili fratri, Bertrando
episcopo Ostiensi, et dilectis filiis nostris, Imberto Basilice
Duodecim Apostolorum presbitero et Raymundo Sancte
Marie Noue diacono, cardinalibus commisimus oraculo uiue
vocis, illud nobis postmodum referendum. Ac demum
pre-fatus archiepiscopus, prouide pensans, quod, si eiusdem
Ypsalensis ecclesie prouisio ulterius differretur, eadem
ecclesia Ypsalensis grauia in spiritualibus et temporalibus
incurrere poterat detrimenta, omni iuri, quod sibi ex
electione huiusmodi competebat, libere in nostris manibus
sponte cessit. Nos itaque, huiusmodi cessione admissa,
intendentes ecclesie Vpsalensi predicte, ne prolixioris
ua-cationis subiaceret dispendiis, precauere, cum nullus
pre-ter nos ea vice de prouisione ipsius Ypsalensis ecclesie
se intromittere posset, pro eo, quod nos ante cessionem
huiusmodi, prouisiones omnium ecclesiarum cathedralium,
quarum electos electionibus ipsorum cedere ac cessiones
eorum per nos seu auctoritate nostra admitti contingeret,
dispositioni nostre reseruantes, decreuimus extunc irritum
et inane, si secus super hiis per quoscumque quauis
auctoritate scienter uel ignoranter contingeret attemptari, ac
cupientes talem ipsi ecclesie preesse personam, que sciret,
ucllet et posset eam preseruare a noxiis et aduersis ac
in suis manutenere iuribus et etiam adaugere, post
deliberationem, quam super hiis primo intra nos ipsos ac
deinde cum fratribus nostris habuimus diligentem,
considerantes concordem predictorum ipsum eligentium
uolun-tatem, demum ad prefatum arcbiepiscopum, cui de
litterarum scientia, honestate morum et uite, conuersatione
laudabili, maturitate consilii, prudentia spiritualium et
temporalium prouidentia et aliis multiplicibus uirtutum
meritis apud nos fidedigna testimonia perhibentur,
con-uertimus oculos nostre mentis; quibus omnibus attenta
<< prev. page << föreg. sida << >> nästa sida >> next page >>
