Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
“ Optime sempiterne Deus, qui nos per misericordiam
tuam incolumes in hunc locum specialiter aggregasti,
mentes nostras, quas paraclitus, qui a te procedit, illuminet
et inducat in omnem, sicut tuus promisit filius, veritatem,
cunctosque in tua fide et caritate corroboret, vt exercitacio
synodorum corporalium proficiat nobis ad eterne
felicitatis augmentum per [Dominum]." Oracio.
“Protege, Domine, famulos tuos, subsidiis pacis et
beate Marie semper virginis patrociniis confidentes; a
cunctis hostibus redde securos per [Dominum]." Oracio.
“Presta, quesumus, optime Deus, vt familia tua per
viam salutis incedat et, beati Iohannis precursoris tui
hortamenta sectando, ad eum, quem predixit, secura
per-ueniat. “
“Actiones nostras, quesumus, Domine, aspirando
pre-ueni et adiuvando prosequere, vt cuncta nostra operacio
a te semper incipiat et per te incepta finiatur per
Dominum nostrum."
Postea episcopus sedens alloquatur populum simul et
clerum, hortans et monens eos de mutua dilectione et
concordia. Item hortetur populum de seruanda et facienda
clero reuerencia; item, vt soluant eis fideliter solita et
debita stipendia, vt oblaciones, decimas, mortualia et
huius-modi. Deinde tractentur negocia.
Secunda die synodi celebretur missa de beata virgine,
et postea, sicut in precedenti die omnibus dispositis,
legatur ewangelium secundum Lucam: Designauit Dominus
et alios septuaginta etc. Postea episcopus incipiat
anti-phonam Veni sancte spiritus; deinde versus: Emitte
spiritum tuum. Memor esto congregis; etc. Oracio: “Mentibus
nostris, quesumus, Domine, spiritum sanctum benignus
infunde, quatinus, in nomine tuo collecti, sic in cunctis
teneamus cum moderacione pietatis iusticiam, vt hic a te
in nullo dissenciat voluntas nostra, sed semper,
raciona-bilia meditantes, que tibi sunt placita, et dictis exequamur
et factis. Deus, qui ministris tuis et indulgencia consulis
et amore dominaris, da spiritum sapiencie quibus dedisti
<< prev. page << föreg. sida << >> nästa sida >> next page >>
