Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
alem ecclesiam noscitur obtinere, cum acceptatione,
decreto et clausula anteferri et cum aliis non
obstantibus et clausulis oportunis, executione et cetera. — Fiat
etiam de dignitate etc. R.
8. Item supplicat, quatinus Yuano Marquardi de
canonicatu et prebenda ecclesie Zuerinensis vacantibus uel
vacaturis simili modo et cum clausulis oportunis et
consuetis dignemini prouidere, executione et cetera. — Fiat. R.
9. Item, quod absque periculo aliquo seu pena aliqua
excommunicacionis, suspencionis et interdicti idem rex
mittere possit per quosdam ad Soldanum et terras alias
falcones ad vendendum pro exoneratione debitorum
suorum, quibus est grauiter oneratus maxime propter malas
administrationes et contractus, factos per administratores
regnorum suorum tempore pueritie ipsius, non obstantibus
quibuscumque iuribus et constitutionibus super hoc tam
per vos quam quoscumque prodecessores vestros Romanos
pontifices editis, que et quibus hic habere dignemini pro
expressis. — Fiat, quociens voluerit, usque ad
quinquennium. R.
10. Item, quod, cum sit in partibus illis magna
penuria seu indigentia notariorum, dignetur sanctitas vestra
concedere, quod aliquis episcopus, nominandus ex parte
dicti regis, habeat facultatem creandi xxx notarios
auctoritate apostolica, quos idem rex duxerit nominandos, uel
alias de alio numero, prout vestre placuerit sanctitati. —
Fiat de viginti. R.
11. Item, quod idem rex possit facere celebrari
coram se etiam ante diem, quociens propter arduas et
ineuitabiles necessitates fuerit oportunum. — Fiat. R.
12. Item, quod possit peregrinari ad sanctum
sepulcrum cum centum hominibus uel mittere centum
homines peregre pro se ipso absque aliqua pena
excommunicacionis, suspensionis et interdicti, non obstantibus
quibuscumque constitucionibus vestris uel predecessorum
ue-strorum, quas dignemini hic haberi pro expressis. —
Fiat. R.
<< prev. page << föreg. sida << >> nästa sida >> next page >>
