Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
31$
gelanng unnd oberhannd gewunnend, unnd ein theyl
dess Volcks erschlugennd unnd Ein theyl die fluchennd
unnd euntrunnend, Darnach theylend sy dz gutt dess
erschlagnen volcks, unnder sy gemeinlich unnd truw-
lich unnd zugenn darnach den Rin uff unnd kamenn
nach dem in ein lannd genannt brochenn gebirg oder
Freckmund Inn dem hertzogthum Österrich , unnd wa-
reund da inn berg inn thal in Allpenn in flan in was-
ser unnd in alien enndenn dess lanndts, unnd such-
tennd da wonung unnd stett da sy möchtenn belibenn,
unnd beducht sy, die Gegne unnd wonung dess sälbenn
lanndts wäre irem lannd glich da sy vormalss warenn
ussgeschlagenn, unnd sy ouch vormalss Ir wonung hat-
tennd gehept, Inn den Birgenn Unnd allss sy nun
Inensälbs hatten usserwellt an dem selbigenn Ennd
wollt gin Wonung han, Do wurbenn unnd begertenn sy
an den Graffenn von Hapspurg Inn dess sälbenn lannd
sy zu den sälbenn zytenn warennd dz er Inen erlou-
benn unnd vergunnenn wellte, die walld stett berg
unnd thal zu rutenn unnd husenn dz sy ir wonung da
möchtennd han Wann es voruiallss wyld unnd wüst wz,
unnd niemant da wonhafft wzgwesn, Sämlicher Ir bytt
unnd begerenn wz sy der Graff gewärenn, Darnach vi-
engennt sy an zu rutten unnd rumen stein unnd dörn,
unnd dz ungeüpt ertrich zu buwenn unnd darnach
zwyen sayenn unnd schnidenn unnd mayen unnd ar-
beitten Und mitt dem grossenn Flyss den sy zu dem
lannd hatten dz sy dess wol möchtennd gemessen,
unnd auch dz lannd allennthalbenn fruchtbar ward,
dz sy sich wol möchtenn ernerenn Darnach wurdenn
sy sich bestetten an irem verheissenn unnd gelüptenn
so sy vormalss ein anndrenn hatten gethan, unnd
schlugennd alle forcht 1rs härtzenns von Inen Ouch
wurden sy die lanndtschafft da sy inn warennd unnder
ein andrenn zertheylenn, alss dz hienach luter ge-
schribenn statt.
I)ic zertheilung unnd wie sy von ein andrenn
schiedenn in ir wonungenn um dett man hie nach
inn eigentlichen lutrung geschribenn.
Schwitzeru8 geborn von der kungklichenn statt
Schwedyenn algo genampt, Ir oberster Houptmanunnd
sin mitt gesell Remus, ward dz lanndt dess gebroch-
nenn birgs oder Freckmunnd zu den selbenn zytenn
also genampt von dess bergs wägenn der da geheissen
<< prev. page << föreg. sida << >> nästa sida >> next page >>
